web counter
LEXO PA REKLAMA!

SHKARKO APP

App Store
Google Play

E fundit!

x

Edukimi për dhunën/ Aktivitete për të rinjtë e Sarandës

21 Prill 2024, 20:49, Aktualitet CNA

Edukimi për dhunën/ Aktivitete për të rinjtë e

Ministrja e Rinisë, Bora Muzhaqi organizoi një sërë aktivitetesh për të rinjtë e Sarandës në përputhje dhe zbatim me Strategjinë Kombëtare të Rinisë 2022-2029.

Me fokus rininë, aktivitetet filluan me kampionatin miqësor të volejbollit për të rinjtë e Sarandës, Konispolit, Delvinës dhe Ksamilit, ku fitues i këtij kampionati i shpall ekipi përfaqësues i Delvinës.

Përtej rolit të madh që luajnë aktivitetet sportive në jetën e rinisë, një element tjetër shumë i rëndësishëm vijon të mbetet ndërgjegjësjmi dhe edukimi i të rinjve për çështje të caktuar sociale si dhuna në shoqëri.

Të rinjtë pjesë e projektit “7x7 – Parandalimi i dhunës dhe i krimit te të rinjtë përmes sensibilizimit dhe edukimit ligjor mes bashkëmoshatarësh” zbatuar me mbështetjen e Agjencisë Kombëtare të Rinisë, vendosën në jetë shfaqje sensibilizuese për dhunën me bazë gjinore, duke përfocuar mesazhin që ndaj dhunës duhet reaguar.

Edukimi për dhunën/ Aktivitete për të rinjtë e

Ministrja apeloi të rinjtë që të reagojnë menjëherë ndaj akteve të dhunës që ndërmerren ndaj tyre apo bashkëmoshatarëve të tyre. Sipas ministres, Muzhaqi është shumë e rëndësishme që aktet e dhunës të raportohen në instancat përkatëse për një zgjidhje efektive bazuar në ligj.

“Me anë të këtij projekti mbi 150 të rinj po trajnohen, për të trajnuar më tej bashkëmoshatarët e tyre mbi rëndësinë e mbrojtjes së të drejtave të njeriut dhe të rinjve, mbi dhunën me bazë gjinore, për ta adresuar atë, si të reagojnë dhe si të mbrohen prej saj.” shprehet ministrja Muzhaqi e cila shtoi se performancat e aktrimit të të rinjve demonstruan që një moment shumë i vogël mund të përshkallëzohet nëse trajtohet në mënyrën e gabuar, por edhe që me dashuri e përkushtim zgjidhen edhe problemet më të mëdha.

Edukimi për dhunën/ Aktivitete për të rinjtë e

Ministrja ka një këshillë te vlefshme për të rinjtë “Mendo para se të veprosh, një veprim i vogël të ndryshon të gjithë jetën”.

Strategjia Kombëtare e Rinisë është një produkt i dalë nga të rinjtë dhe vetë kërkesat e tyre, për këtë arsye Ministrja Muzhaqi iu përgjigj me shumë dëshirë kërkesës së të rinjve të Sarandës për të diskutuar mbi idetë dhe kërkesat e tyre.

Edukimi për dhunën/ Aktivitete për të rinjtë e

Aktivitetet kulmuan me festën “Rini 360 gradë”, e cila u zhvillua në pedonalen e qytetit, në të cilën morën pjesë të rinjtë e qytetit të Sarandës dhe bashkive përreth, si dhe shumë turistë të cilët kanë populluar Sarandën ende pa nisur sezoni turistik.

Muzhaqi shoqërohej në këto aktivitete nga Ministrja e Bujqësisë, njëherazi dhe deputetja e zonës, Anila Denaj, së bashku me deputetin tjetër Niko Kuri dhe Kryetari i Bashkisë Sarandë, Oltion Çaçi./ CNA

Edukimi për dhunën/ Aktivitete për të rinjtë e





Lajmet e fundit nga