web counter
LEXO PA REKLAMA!

SHKARKO APP

App Store
Google Play

Kapet 1 ton hashash në Spanjë/ Arrestohen 5 shqiptarë, krerë të grupit kriminal

22 Prill 2024, 17:10, Aktualitet CNA

Kapet 1 ton hashash në Spanjë/ Arrestohen 5 shqiptarë, krerë

Një maxi-operacion antikanabis u zhvillua në në Spanjë nga Garda Civile e Valencias, e cila ka arrestuar 5 persona dhe po heton 2 të tjerë për krime të ndryshme kundër shëndetit publik, për mashtrim me energjinë elektrike, për falsifikim dokumentesh, për uzurpim të gjendjes civile dhe për përkatësi në një organizatë kriminale.

Operacioni “SERVANA” nisi në nëntor të vitit të kaluar, kur agjentët mësuan për kryerjen e një sërë sjelljesh kriminale, të cilat i shtynë të viheshin në gjurmët e një grupi kriminal me bazë në zona të ndryshme të provincave të Valencias.

Hetuesit konstatuan se bëhej fjalë për një organizatë të strukturuar në mënyrë perfekte me origjinë shqiptare, me metodologji kriminale të mirëpërcaktuar.

Organizata kishte magazina të mëdha industriale, të cilave me sa duket u mungonte çdo lloj aktiviteti, ndonëse brenda banonin e qëndronin natën persona, të cilët ishin të ngarkuar me sigurimin, ruajtjen dhe optimizimin e detyrave të prodhimit të kultivimit intensiv të “cannabis sativa” që fshihej brenda. Kujdestarët e tyre mbetën brenda, me nivele të tjera të organizatës të ngarkuara për furnizimin e tyre me ushqime, materiale për objektet dhe/ose çdo gjë tjetër që u nevojitej.

Për të përshpejtuar rritjen e bimëve ata kishin materialin ndriçues të gjeneratës së fundit. Për të mos u zbuluar, ata kishin kondicionerë të shumtë industrialë që evakuonin erën e substancave./ CNA

 





Lajmet e fundit nga