Shqipëria shënon një tjetër moment të rëndësishëm në rrugë...
Meta në delir, krahason veten me Çurçillin
22 Prill 2024, 19:44, AktualitetCNA
Kreu i Partisë së Lirisë, Ilir Meta
Kreu i Partisë së Lirisë, Ilir Meta pati një takim ditën e sotme me delegatët e Durrësit, në lidhje me Konventën Kombëtare të 27 Prillit.
Meta foli për përgatitjet për Konventën, që sipas tij do të jetë një Konventë historike.
Pasi foli për aksionin opozitar dhe “demokratizimin” e Partisë së Lirisë, si objektivin kryesor të kësaj Konvente, Meta doli sërish nga konteksti i qëllimit të mbledhjes, duke faktorizuar veten më shumë se Partinë.
Ai e krahasoi veten me një ndër politikanët më të spikatur të Britanisë, Winston Çurçill, i cili drejtoi vendin e tij në periudhën më të vështirë, gjatë Luftës së Dytë Botërore.
“Iku Çurçilli nga Potsdami, ku ishte mbledhur me personalitete të rëndësishëm, dhe u tha takohemi të hënën se kam zgjedhjet në Britani.
I bindur se një njeri që fitoi Luftën, do të kishte një fitore të sigurtë edhe në vendin e tij, në kohë paqeje.”
Më tej, Meta vijoi me sloganet e vjetëruara se Partia e Lirisë është partia më demokratike, megjithëse i mëshon fort faktit, se do të instalojë njëshin në Parti.
“Kam dëgjuar që unë jam diktator. Por unë zgjedh se kemi nevojë për njerëz me karakter dhe integritet. Dhe ne do instalojmë fort njëshin, pra karakterin dhe integritetin.
Aksioni ynë opozitar do të nxisë dhe do të motivojë të gjitha forcat e tjera opozitare.”, u shpreh Meta./ CNA
