Pas ndeshjes, protestuesit janë zhvendosur para selisë së ...
Balluku inspektim në furrën e bukës: Sistemi i ri i faturimit ndihmon prodhuesit
22 Prill 2024, 18:41, AktualitetCNA
Zv/kryeministrja Belinda Balluku
Zv/kryeministrja dhe njëherësh ministrja e Infrastrukturës dhe Energjisë, Belinda Balluku mori pjesë ditën e sotme në një inspektim në furrën e bukës në Tiranë, për sistemin e ri të faturimit të energjisë elektrike për këto ente prodhuese.
Balluku shpjegoi, përse në furrat e bukës janë dy matësa të energjisë elektrike.
Sipas ministres, e gjithë pjesa e konsumit që ka lidhje me produktet e brumërave, pra të bukës, shkon me një tarifë prej 7.6 lekësh. Ndërkohë që pjesa tjetër, që është pastiçeria, shkon me një faturim prej 14 lekësh.
“Pra ky subjekt që ka rreth 80% të volumit, i cili shkon në këtë lidhje, pra në këtë kontratë. E gjithë pjesa e konsumit që ka lidhje me produktet e brumërave, pra të bukës, shkon me një tarifë prej 7.6 lekësh. Ndërkohë që pjesa tjetër që është pastiçeria, shkon me një faturim prej 14 lekësh.
Nuk duhet të harrojmë që ka patur edhe abuzime. Një gjë të cilën ne e kemi identifikuar, abuzim qoftë nga subjektet, qoftë nga faturuesit, gjë të cilën po e zgjidhim. Duke unifikuar në një kontratë të vetme, zgjidhim njëherë e mirë një problem të mbartur prej vitesh.
Rëndësi ka që të zgjidhim të gjitha veshtirësitë, që mund të kenë furrat e bukës. Sepse, kjo është detyrë e qeverisë shqiptare, detyrë e të gjitha institucioneve.”/ CNA
