Veliaj refuzon të mbledhë Këshillin Bashkiak/ Frikë nga transparenca dhe auditi
22 Prill 2024, 19:03, AktualitetCNA
Këshilltari bashkiak i PD, Ilir Alimehmeti
Erion Veliaj ka refuzuar mbledhjen e Këshillit Bashkiak, e cila ishte kërkuar me urgjencë nga këshilltarët bashkiakë opozitarë.
Kjo u bë me dije nga këshilltari bashkiak i Partisë Demokratike, Ilir Alimehmeti, i cili doli në një deklaratë për mediat, ku njoftoi se janë rrëzuar dy kërkesat e opozitës, për një mbledhje urgjente të Këshillit Bashkiak, si dhe për auditim të jashtëm të Bashkisë.
Alimehmeti e quajti mbledhjen e sotme një artificë nga ana këshilltarëve të majtë, dhe akuzoi Erion Veliajn se po fshihet pas gishtit, ndërkohë që kemi drejtorë të arrestuar për grabitjen e fondeve publike me aferën "5D".
"I bëmë ftesë Këshillit Bashkiak që javën e parë, kur arrestoheshin drejtorët e Bashkisë së Tiranës. Kërkuam mbledhje urgjente, dhe jo vetëm që nuk iu bashkuan vendimit tonë, por gjetën situata, se nuk kishim firma mjaftueshëm.
Por sot 1/3 e këshilltarëve bashkiakë u mblodhëm. Urgjenca në Bashkinë Tiranë nuk është vjedhja e miliona eurove nga drejtorët e Veliajt.
E gjithë puna në këtë Bashki është e bllokuar. Drejtorët ose janë në burg, ose janë në arrest shtëpie. Nuk duket sikur ky është funksioni i Këshillit Bashkiak. Kryesia e këshilltarëve të majtë gjeti artifica.
Qëndrimi politik i PS, ishte se nuk është çështja e tyre.
Por ne do të vazhdojmë të kërkojmë seancën e posaçme. Nuk tërhiqemi.
Kërkesa është bërë publike. U kërkua që sot në mëngjes. U kërkua mbledhje urgjente por edhe audit i jashtëm. Ja ku janë edhe 21 firmat e këshilltarëve bashkiakë.”, përfundoi Alimehmeti."/ CNA
