Komisionerja europiane për Zgjerimin, Marta Kos ka përgëzu...
"5D, skemë e tmerrshme"/ Topalli: Në këtë vend ka vetëm padrejtësi
22 Prill 2024, 20:26, AktualitetCNA
Jozefina Topalli
Drejtuesja politike e PD-së për qarkun e Lezhës, Jozefina Topalli foli mbrëmjen e sotme tek “Rruga e shpresës”, teksa u shpreh se asgjë nuk e justifikon faktin që kreu i opozitës mbahet në arrest pa prova dhe fakte.
Topalli theksoi se padrejtësitë në këtë vend nuk mbarojnë, edhe gjatë ditës së sotme, ku me një sjellje të pështirë, Veliaj hodhi poshtë të gjitha kërkesat e këshilltarëve bashkiakë të opozitës.
“Jemi çdo ditë në protestë tek Rruga e shpresës dhe çdo të premte tek Bashkia e Tiranës.
Dhe unë besoj se arsyeja kryesore pse mblidhemi është padrejtësia. Asgjë nuk justifikon faktin që të mbahet në arrest kryetari i opozitës shqiptare, pa provë dhe pa fakte, pa asnjë akuzë.
Në asnjë vend të NATO-s nuk mund të ndodhë që të mbahet në arrest shtëpie kryetari i opozitës. Në një proces politik të nisur nga qeveria dhe të mbajtur nga hetuesit politikë.
A nuk është e padrejtë që Bashkia është e zhytur në korrupsionin më të neveritshëm të “5D”-ve dhe Sali Berisha është në arrest shtëpie.
Në fakt ka një arsye, se ishte i vetmi që fliste me emër dhe mbiemër, kundër krimit dhe korrupsionit, kur ne të tjerët nuk e kishim aq kurajo.
A ka gjë më të pështirë së këshilltarët e opozitës të shkojnë në Këshillin Bashkiak dhe të refuzohet çdo kërkesë e tyre. Në këtë vend ka vetëm padrejtësi.”
Topalli tha gjithashtu, se "5D’" është skemë e tmerrshme, ashtu siç është nocioni i tyre për të qeverisur.
“Siç është 5D në Bashkinë e Tiranës, është 3D, 6D e kështu me rradhë në çdo bashki tjetër ku ata qeverisin”, u shpreh Topalli./ CNA
