web counter
LEXO PA REKLAMA!

SHKARKO APP

App Store
Google Play

E fundit!

x

DASH "shuplakë" Alfred Pezës/ "RTSH, shkarkime masive të pajustifikuara"

22 Prill 2024, 20:57, Aktualitet CNA
DASH "shuplakë" Alfred Pezës/ "RTSH, shkarkime masive
Fotomontazh - Alfred Peza, në sfond RTSH

Departamenti amerikan i Shtetit ka evidentuar në raportin e tij të fundit shkarkimet masive në RTSH.

DASH thotë se pas ndryshimit të drejtuesve të lartë, në Radio Televizionin Shqiptar u bënë shkarkime të pajustifikuara.

Për këtë, Departamenti amerikan i Shtetit i referohet raportimeve në media.

Një nga mediat që ka raportuar për shkarkimet masive të Alfred Pezës, drejtorit të përgjithshëm të RTSH-së, ka qenë edhe CNA.

Peza ka shkarkuar 125 punonjës pa asnjë motivacion nga puna, ndërsa të tjerë, sipas denoncimeve, kanë dhënë dorëheqjen për shkak të presionit që u është ushtruar.

Lidhur me shkarkimet, disa punonjës kanë parë si të arsyeshme përballjen në gjykatë, ndërsa mbi 20 të tjerë kanë ngritur një padi në SPAK.

Siç ka raportuar edhe CNA, punonjësit e shkarkuar akuzojnë Pezën për shkelje të kontratave dhe pushime nga puna në shkelje të ligjit. 

DASH "shuplakë" Alfred Pezës/ "RTSH, shkarkime masive
Drejtori i RTSH-së, Alfred Peza

Sipas tyre, shkarkimet janë kryer pa asnjë bazë ligjore dhe në shkelje të Kodit të Punës.

Për largimet nga puna, ish-punonjësit i thanë CNA-së rreth dy muaj më parë se do të vinin në dijeni ambasadat, Bashkimin Evropian dhe sekretarin e Përgjithshëm të OKB-së, Antonio Guterres.

Nga ana tjetër, edhe opozita ka kërkuar që të zhvillohet një dëgjesë me Alfred Pezën, për shkarkime pa motivacion në RTSH, në Komisionin për Edukimin dhe Mjetet e Informimit Publik.

Gjithashtu, në Komisionin e Medias është kërkuar ngritja e një Komisioni Hetimor për Pezën, por këto kërkesa nuk janë miratuar./ CNA





Lajmet e fundit nga