web counter
LEXO PA REKLAMA!

SHKARKO APP

App Store
Google Play

E fundit!

x

Njeriu i skandaleve në RTSH/ Alfred Peza nuk kalon dot 2024

26 Mars 2024, 11:51, Aktualitet CNA
Njeriu i skandaleve në RTSH/ Alfred Peza nuk kalon dot 2024
Alfred Peza

Dje në media qarkulloi një lajm mbi dorëheqjen e Alfred Pezës. Në fakt, një portal periferik, anonim, i panjohur, e kishte nxjerrë dorëheqjen e drejtorit të RTSH-së ditën e shtunë, por të hënën lajmi mori dheun. Edhe disa portale që konsiderohen serioze thanë se Peza kishte dhënë dorëheqjen.

Partia Demokratike gjithashtu tha se më në fund ai ishte larguar.

Por, ashtu siç CNA raportoi, ishte një tallje e turpshme, më shumë sesa një skemë dorëheqjeje e Alfred Pezës. Një lajm për të hequr vëmendjen nga lajmet e ditës, nga Jorgo Goro e kështu me radhë, por edhe një taktikë e vetëviktimizimit të Pezës se po sulmohej nga mediat e kështu me radhë.

Më pas, vetë Alfred Peza reagoi për gazetën "Koha Jonë" duke thënë se ai nuk kishte dhënë dorëheqjen dhe do të ishte në detyrë deri në maj të 2028-ës. 

Por kjo e dyta ishte edhe më e bukura nga e gjithë historia e dorëheqjes, sepse Alfred Peza deklaronte se deri në 2028, gati 4 vite të tjera, do të qëndrojë në detyrë.

Në fakt, qëndron apo jo në detyrë Alfred Peza, nuk e vendos ky i fundit, ka një Këshill Drejtues të RTSH-së që mund ta shkarkojë, ka institucione të tjera, të cilat po e hetojnë dhe po e kontrollojnë, kemi parasysh këtu KLSH-në, e cila po ushtron kontroll. 

Kemi dhjetëra punonjës të larguar që kanë hapur procese gjyqësore. Gjithashtu kallëzime të njëpasnjëshme për të priten në SPAK. Që nga shpërdorimi i detyrës dhe abuzimi me fondet në institucione e deri në fakte të tjera, të cilat do të trajtohen në ditët në vijim.

Pra, Alfred Peza dje tregoi se ishte i fortë, mund të luante, mund të gënjente dhe t’i thoshte se ishte aty deri në 2028-ën, çdo "armiku" të tij që do ta largojë nga detyra e rëndësishme që ka marrë. Mirë do të ishte ta kapte 2028-ën, por mesa duket s'do të mbyllë dot vitin 2024. Në fakt, atë e ka zgjedhur partia në shkelje të ligjit. 

Por njeriu që u kap me 1 milion dollarë pasuri dhe gënjente gjykatën për rrogën e djalit të tij, tashmë ka dalë me shpatë në dorë, do të qëndrojë në RTSH, duke u hapur luftë të gjithëve, Këshillit Drejtues, ku e ka shumicën kundër, për shkak të ortakërisë dhe bashkëpunimit me Leka Bungon, një trupe të madhe menaxhimi me eksperiencë në RTSH, gazetarë, kameramanë, teknikë e kështu me radhë, dhe në finale Alfred Peza kërkon një betejë për ta kthyer në debat politik, siç është gjithmonë strategjia e Rilindjes, skandalin, aferën, korrupsionin dhe akuzat.

Por grepin e Pezës mund ta hanë vetëm peqinasit që ai u premtoi se do të binjakëzonte Lacion dhe do të ndërtonte "Shkumbini Channel", pasi askush tjetër nuk ndjek nga pas atë që thotë Alfred Peza.

Por ajo që do të ndjekim ne, të pakën si media, nga pas, ne si CNA, do të jetë e vërteta dhe vetëm e vërteta. Faktet, abuzimet, shkeljet dhe skandalet në RTSH deri ditën që ky institucion do të çlirohet nga Alfred Peza, egoizmi, megalomania dhe paaftësia e tij./CNA 

 





Lajmet e fundit nga