web counter
LEXO PA REKLAMA!

SHKARKO APP

App Store
Google Play

E fundit!

x

Denoncimi: Kompania e inceneratorit të Tiranës i paguan 1.6 milionë euro agjencisë turistike

26 Mars 2024, 11:19, Aktualitet CNA

Denoncimi: Kompania e inceneratorit të Tiranës i paguan 1.6

Drejtuesi politik i PD-së në Tiranë, Belind Këlliçi, ka denoncuar se kompania e Klodian Zotos i ka paguar 1.6 milionë euro një agjencie turistike.

Këlliçi ka deklaruar se agjencia turistike “One Explorer” i përket shtetasit Juventin Çere, i cili është arrestuar më parë për mashtrim.

“Tashmë të gjithë e dimë se si prestanomet, Klodian Zoto dhe Mirel Mertiri, nën urdhrat e pronarit faktik të inceneratorit të Tiranës, Erion Veliaj, ngritën një skemë për të vjedhur dhe zhdukur paratë e buxhetit të shtetit, diku duke përdorur pensionistë e diku duke mos kursyer as të vdekurit.

Partia Demokratike prej disa muajsh po ndjek pikërisht këtë skemë.

Javën e kaluar treguam me fakte se si kompania e Zotos zotëronte disa apartamente brenda dhe jashtë vendit, për të cilat SPAK-u vijon të heshtë dhe të mos thotë asnjë fjalë.

Sot është momenti t’iu tregojmë një tjetër rast.

Agjencia Turistike ‘ONE EXPLORER’, në pronësi të shtetasit Juventin Cere, i cili rezulton të jetë arrestuar më parë për mashtrim, ka përfituar miliona euro pagesa nga inceneratori fantazmë i Tiranës.

'Integrated Technology Services', në pronësi të Zotos, i ka paguar plot 105.682.680 lekë ose rreth 1 milion euro kësaj agjencie turistike.

'Integrated Energy BV SPV', apo e thënë më thjesht kompania e inceneratorit të Tiranës që nuk ekziston, i ka paguar nga llogaritë e saj në dy banka të nivelit të dytë shumën: 46.834.789 lekë ose rreth 460.000 euro dhe 103.992 euro”, tha Këlliçi ndër të tjera./ CNA





Lajmet e fundit nga