web counter
LEXO PA REKLAMA!

SHKARKO APP

E fundit!

x

Alfred Peza: Nuk kam dhënë dorëheqje

25 Mars 2024, 22:29, Aktualitet CNA
Alfred Peza: Nuk kam dhënë dorëheqje
Alfred Peza

Alfred Peza, drejtori i Përgjithshëm i RTSH-së, ka përgënjeshtruar lajmet e publikuara nga disa media për dorëheqje të tij.

Në një prononcim për “Koha Jonë”, Peza ka deklaruar se nuk është larguar nga posti dhe do të vijojë ta mbajë atë deri në përfundim të mandatit.

“Nuk kam dhënë dorëheqje, këtu me keni deri me 15 qershor 2028!”, ka theksuar ai shkurtimisht.

Ky reagim i tij vjen pas raportimeve në media dhe deklaratës së deputetes së PD-së, Ina Zhupa, se drejtori i RTSH-së është dorëhequr.

Nga ana tjetër, CNA raportoi se Peza ka hequr disa sende personale dhe disa piktura nga zyra e tij. Kjo ka ngritur dyshime dhe ka nxitur thashetheme në RTSH se drejtori mund të ishte drejt dorëheqjes.

Megjithatë, CNA theksoi se ky lajm mund të ishte i pavërtetë, pasi nuk kishte asnjë dokument zyrtar që mund ta vërtetonte dhe se nuk kishte patur asnjë mbledhje të Këshillit Drejtues të RTSH-së./ CNA





Lajmet e fundit nga