web counter
LEXO PA REKLAMA!

SHKARKO APP

App Store
Google Play

Vijon skandali në QSUT/ Mbi 10 javë probleme me rrjetin elektrik si pasojë e zjarrit

23 Prill 2024, 09:50, Aktualitet CNA

Vijon skandali në QSUT/ Mbi 10 javë probleme me rrjetin elektrik si

Vijon skandali në Qendrën Spitalore Universitare "Nënë Tereza".

Në 11 shkurt u dogj Urgjenca e Kardiologjisë. Mbi 2 muaj pacientët duhet të rropaten e të vuajnë rrugëve pasi kanë mbetur pa shërbime.

Por, përpos kësaj, zjarri në Urgjencë ka shkaktuar edhe probleme me rrjetin elektrik.

Këtë e pranon vetë ministrja Albana Koçiu përmes një statusi mëngjesin e sotëm ku është shprehur se ka nisur riparimi për dëmin e shkaktuar nga incidenti i ndodhur në muajin shkurt.

Pra për më shumë se 10 javë dhe pas denoncimeve të opozitës se në Shërbimin e Reanimacionit Qendror kishte pasur luhatje të energjisë elektrike dhe vetë pranimin e QSUT në reagimin e saj për problemet në rrjetin elektrik, sot ministrja del dhe bën propagandë duke thënë se ka nisur puna për riparimin e tij.

Me këtë skandali thellohet edhe më tepër pasi më shumë se 2 muaj Urgjenca e Kardiologjisë është jashtë funksionit, dhe qytetarët duhet të vazhdojnë të përplasen në dyert e spitaleve të tjera, pasi ministrja është e zënë duke bërë propagandë, duke deklaruar se po bën luftë për të rikthyer në shërbim këtë sektor tejet të rëndësishëm.

Në fakt është e turpshme që prej më shumë se 2 muajsh, një shërbim si ai i Urgjencës së Kardiologjisë të vazhdojë të jetë jashtë funksionit duke e kthyer në një makth për qytetarët, të cilët duhet të presin radhë të gjata në dyert e spitaleve të tjera./ CNA

Vijon skandali në QSUT/ Mbi 10 javë probleme me rrjetin elektrik si

 





Lajmet e fundit nga