web counter
LEXO PA REKLAMA!

SHKARKO APP

App Store
Google Play

Inceneratori i Tiranës/ Shtyhet seanca për drejtorët e Veliajt, Simixhiu me një veshkë, kërkesa për GJKKO-në

23 Prill 2024, 12:25, Aktualitet CNA

Inceneratori i Tiranës/ Shtyhet seanca për drejtorët e Veliajt,

Ka dështuar seanca në GJKKO për sjelljen e informacioneve mbi hetimet e SPAK-ut për zyrtarët e Bashkisë Tiranë në lidhje me inceneratorin e Tiranës.

Mësohet se shkak për dështimin e kësaj seance është mungesa e prokurorit.

Avokati i drejtorit të Veliajt, Namik Simixhiu, ka bërë kërkesë në GJKKO që klientit të tij t’i bëhen kontrolle mjekësore përkundrejt pagesës përkatëse dhe kërkesës zyrtare të mbrojtjes.

Sipas avokatit, Simixhiu prej vitesh është me njërën veshkë dhe mjekësia ligjore është në dijeni të këtij fakti.

Seanca është shtyrë për më 29 prill në orën 12:00.

Drejtorët e Veliajt u arrestuan në datën 8 dhjetor të vitit 2023. Në pranga u vunë Erjon Murataj, Bledar Karoli, Taulant Tusha, Namik Simixhiu dhe Jetmir Llapaj.

Akuza për aferën në Tiranë rëndojnë edhe ndaj ish-ministrit të Mjedisit Lefter Koka dhe ish-sekretarit të tij Alqi Bllako, të cilët aktualisht ndodhen në burg.

Gjithashtu, urdhër-arreste ka edhe për kokat e inceneratorëve, Klodian Zoto e Mirel Mërtiri, të cilët janë në kërkim ndërkombëtar.

Në arrest shtëpie janë lënë Alba Thoma, Valbona Ballgjini, Sidita Kopliku, Pëllumb Abeshi, Etleva Kondi dhe Sidita Tola./ CNA





Lajmet e fundit nga