web counter
LEXO PA REKLAMA!

SHKARKO APP

App Store
Google Play

Afera “5D”, mesazhi për Veliajn në rrugët e kryeqytetit

23 Prill 2024, 12:41, Aktualitet CNA

Afera “5D”, mesazhi për Veliajn në rrugët e

"5D" është ndoshta afera më e madhe korruptive pas asaj të inceneratorëve.

Në këtë skemë korruptive rezultuan të përfshirë disa nga drejtorët më të rëndësishëm dhe bashkëpunëtorët më të ngushtë të kryebashkiakut Erion Veliaj.

Shuma e cila është përfituar nga drejtorët e Veliajt përmes tenderëve tejkalon shifrën 30 milionë euro sipas përllogaritjeve.

Mariglen Qato, Redi Molla, Taulant Tusha dhe zyrtarë të tjerë të Bashkisë Tiranë ndodhen pas hekurave ndërsa të tjerë janë nën hetim pas skandaleve që kanë dalë në dritë të cilat ishin zbardhur dhe në dosjen hetimore të cilën CNA e ka raportuar prej javësh dhe ditë pas dite zbulohen fije të reja korrupsioni.

Kjo vjedhje ka shkaktuar zemërim tek qytetarët të cilët prej tri javësh protestojnë para Bashkisë dhe kërkojnë largimin dhe dorëheqjen e Erion Veliajt si dhe përballjen e tij me drejtësinë.

Të premten në orën 11:00 do të mbahet dhe protesta e radhës e nisur nga Aleanca për mbrojtjen e Teatrit e mbështetur nga opozita dhe qytetarët.

Një tjetër lëvizje për të reguar zemërimin ndaj Veliajt janë dhe mesazhet që janë shkruar në rrugë të ndryshme të kryeqytetit.

CNA sjell një foto ku shihet që në një nga rrugicat e kryeqytetit shkruhet: “Erion Veliaj, shko te shokët”.

Afera “5D”, mesazhi për Veliajn në rrugët e

Ky është një mesazh shumë i qartë për Veliajn, që tregon se qytetarët nuk e duan më të vijojë të qëndrojë në krye të Bashkisë Tiranë.

Kujtojmë se hetimet vazhdojnë. Erion Veliaj është thirrur dy herë në SPAK. Pritet që të ketë arrestime të tjera dhe zyrtarë të tjerë janë nën hetim.

Kjo aferë nuk mund të mbyllet me disa drejtorë në burg, pasi tentakulat zgjaten deri tek inceneratorët./ CNA





Lajmet e fundit nga