web counter
LEXO PA REKLAMA!

SHKARKO APP

App Store
Google Play

E fundit!

x

CNA raportoi skandalin në Magjistraturë/ Drejtori i shkollës pranon gabimin

23 Prill 2024, 19:46, Aktualitet CNA
CNA raportoi skandalin në Magjistraturë/ Drejtori i shkollës
Drejtori i Shkollës së Magjistraturës, Arben Rakipi

CNA raportoi ditën e sotme për skandalin në shkollën e Magjistraturës me konkursin e pranimit në Magjistraturë, i cili është zhvilluar ditën e djeshme.

CNA mësoi se kandidatët iu nënshtruan një teze dhe pas përfundimit të saj u shpallën fitues 79 persona.

Por ditën e sotme, kur u publikua lista zyrtare fitues rezultonin 121 persona, pra 42 më shumë.

Dhe justifikimi i shkollës së Magistraturës ishte se dje nuk kishte punuar mirë scantroni, pajisja që korrigjonte tezat e kandidatëve.

Pas denoncimit të skandalit nga CNA, ka ardhur edhe një reagim nga drejtori i shkollës, Arben Rakipi. Në një prononcim për mediat, Rakipi pranoi gabimin dhe tha se do të vlerësojë ankesat.

Ai pretendoi se nuk ka pasur abuzim, por ka korrigjuar gabimin e djeshëm.

“Ne kemi patur shumë ankesa dhe do vlerësohen një më një. Pas shqyrtimit të ankesave do përpilohet rezultati, ndërkohë që nesër do të zhvillohet provimi profesional te kompleksi olimpik te pishinat në orën tetë. Dje scantron shpalli 79 fitues, ku shuma e pikëve është njëqind pikë dhe scantroni gabimisht ka llogaritur listat duke u bazuar në 96 pikë. Nuk shoh arsye pse provimi të përsëritet, nuk bëmë gjë tjetër veçse korrigjuam gabimin e parë që kishte lënë jashtë garës të tjerët. Ankesat po i shqyrtojmë”, deklaroi drejtori i shkollës së Magjistraturës.

Kujtojmë se për rezultatin e testit ka pasur edhe një peticion të firmosur nga 27 persona, ku kërkohej ripërsëritja e testit.

Megjithatë, Rakipi e sheh të paarsyshme ripërsëritjen e testit të parë dhe shprehet se do të vijojë me testin e radhës./ CNA





Lajmet e fundit nga