Prokuroria e Posaçme ka vendosur masën e sekuestrimit pasu...
Nis zbatimi i Amnistisë Penale/ Rreth 800 lirohen sot, përfitojnë në total 1.600 të dënuar
24 Prill 2024, 13:37, AktualitetCNA
Ministri i Drejtësisë, Ulsi Manja
Ministri i Drejtësisë, Ulsi Manja zgjodhi të fliste nga burgu i Rrogozhinës, burg i cili ka edhe numrin më të madh të të dënuarve që përfitojnë nga amnistia, 183 të dënuar.
Ditën e sotme ka nisur zbatimi i ligjit për Amnistinë Penale, pas miratimit në Kuvend, me konsensusin e opozitës dhe mazhorancës.
Manja tha se në shkallë vendi numri i personave që lirohen sot nga amnistia është 780, numër që pritet të përditësohet me personat që gjenden në komisariate, dhe përfitojnë nga kjo amnisti.
Në total numri i përfituesve nga amnistia është 1.600, pasi 800 të dënuar përfitojnë ulje të dënimit.
“Në shkallë vendi sot ka startuar zbatimi i ligjit për amnistinë, sot do lënë qelitë rreth 780 të dënuar, kjo shifër do të përditësohet se ka një numër të dënuarish që gjenden në komisariate dhe janë përfitues të amnistisë. 800 janë përfitues me ulje dënimi, në total 1600 të dënuar përfitojnë nga amnistia.
15 gra lirohen, 9 të tjera përfitojnë ulje dënimi dhe deri në vjeshtë lirohen, nga 38 të dënuara që gjenden në burgun Ali Demi në Tiranë.
Përfitues janë 3 të mitur, 2 përfitojnë ulje dënimi.
Përfitues janë edhe 2.666 persona në shërbim prove. Nga kjo amnisti buxhetit të shtetit i kursehen 30 milionë euro”, tha Manja./ CNA
