web counter
LEXO PA REKLAMA!

SHKARKO APP

E fundit!

x

Hyn në fuqi Amnistia Penale/ Del nga burgu ish-kryetari i Bashkisë së Lezhës

24 Prill 2024, 13:21, Aktualitet CNA
Hyn në fuqi Amnistia Penale/ Del nga burgu ish-kryetari i Bashkisë
Fran Frokaj

Ish-kryetari i Bashkisë së Lezhës, Fran Frokaj, i njohur si një nga mbështetësit kryesorë të Lulzim Bashës, ka përfituar nga Amnistia Penale dhe sot ka lënë qelinë. 

Për mediat Frrokaj u shpreh: "Uroj që askush të mos e provojë eksperiencën e burgut". 

Gjykata e Apelit në Shkodër dënoi në tetor të 2022 me tre vite burg ish-kryebashkiakun demokrat.  Ai u shpall fajtor me vendim të formës së prerë nga Gjykata e Apelit në Shkodër për akuzën e “Shpërdorimit të Detyrës” për çështjen e tjetërsimit të pronave në bregdetin e Shëngjinit.

I njëjti dënim u dha dhe për ish-kryetarin e qarkut Gjok Ndoka. S

Për ish-nënkryetarin e Bashkisë Enver Hafizi dhe ish-juristin Ardenis Haxhia dënimi me burg u konvertua me shërbim prove. Ndërsa ish-futbollisti Renato Malotaj, i cili u shpall i pafajshëm u dënua nga apeli me 1 vit shërbim prove.

Hetimet për tjetërsimin e pronave në zonën e Ranës së Hedhun në Shëngjin nisën në vitin 2017. Organi akuzës arriti të provonte se 18 të pandehurit tjetërsuan 234 mijë e 548 metër katrore tokë shtetërore ranishte./CNA 





Lajmet e fundit nga