web counter
LEXO PA REKLAMA!

SHKARKO APP

App Store
Google Play

Masakra e Lushnjes/ GJKKO dënon me burg përjetë Laert Haxhiun

24 Prill 2024, 15:40, Aktualitet CNA
Masakra e Lushnjes/ GJKKO dënon me burg përjetë Laert Haxhiun
Laert Haxhiu

Gjykata e Posaçme e Shkallës së Parë për Korrupsionin dhe Krimin e Organizuar ka pranuar kërkesën e Prokurorisë së Posaçme SPAK, duke dënuar me burg përjetë, Laert Haxhiun.

SPAK kishte kërkuar burgim të përjetshëm për Laert Haxhiun. Kundërshtari i bandës së Aldo Bares, ndodhet i arrestuar në Greqi, ku po përpiqet të mos ekstradohet në vendin tonë, pavarësisht se gjykata në Janinë, e ka pranuar kërkesën e autoriteteve shqiptare.

Laert Haxhiu, kundërshtar i ish-kreut të bandës së Lushnjës rrezikon të mbyllet përjetësisht në qeli. Në procesin në Gjykatën e Posaçme, në mungesë të Haxhiut, SPAK kërkoi dënimin me burgim të përjetshëm, nën akuzë për masakrën e Lushnjës në vitin 2017 ku mbetën të vrarë 2 persona.

Zamir Latifi, mik i nipit të Aldo Bares, dhe Jurgen Hoxha u qëlluan me automatik në një lokal në qendër të Lushnjes, ndërsa pronari i lokalit dhe një kalimtar mbetën të plagosur aksidentalisht.

Me burgim të përjetshëm për masakrën e Lushnjës janë dënuar më herët bashkëpunëtorët e Haxhiut, Anterio Kaloshi dhe Orgest Bilbili.

Atentati ndodhi në 25 shtator të vitit 2016, kohë kur u tentua të vritej, nipi i Aldo Bares, Xhulio Shkurti.

Ngjarje për të cilën Laert Haxhiu ishte i shpallur në kërkim, i dënuar me 18 vite burg në mungesë. Pikërisht gjatë kohës që i fshihej drejtësisë, Haxhiu vrau 2 persona./ CNA





Lajmet e fundit nga