web counter
LEXO PA REKLAMA!

SHKARKO APP

App Store
Google Play

E fundit!

x

Pas pajises Scantron, në shkollën e Magjistraturës pëson defekt edhe Drejtor Rakipi

24 Prill 2024, 20:07, Aktualitet CNA
Pas pajises Scantron, në shkollën e Magjistraturës pëson
Arben Rakipi, drejtori i shkollës së Magjistraturës

Drejtor Rakipi dje në prononcimin e tij për mediat deklaroi se pajisja që duhet të kontrollonte përgjigjet ishte trashur vetvetiu.

Dhe meqë pajisja kishte përllogaritur si nivel maksimat të pikëve, shifrën 96 dhe jo 100, kishte shpallur si fitues 79 kandidatë.

Pasi Drejtor Rakipi mori në dorë situatën, numri i kandidatëve fitues shkoi në 121 nga 79.

Por këto shifra tashmë janë histori e vjetër, sepse sot Drejtor Rakipi i paska numëruar prap kandidatët.

Dhe në fund të numërimit sot rezultati i kandidatëve fitues ka shkuar në 131.

Shkolla e Magjistraturës ka ndarë edhe versionin e rifreskuar të listës së kandidatëve fitues.

Por kjo lista e re, nuk përmban numrin e pikëve që ka "fituar" çdo kandidat.

Që të na lodhi pak më shumë, Drejtor Rakipi këtë listën e dytë (apo të tretë) e ka nxjerrë sipas rendit alfabetik. Kështu lexuesi i pavëmendshëm mund të mos kuptojë se cilët qenkëshin këta dhjetë kandidatët e rinj që qenkan shtuar rishtas.

Pas pajises Scantron, në shkollën e Magjistraturës pëson

Pas pajises Scantron, në shkollën e Magjistraturës pëson

Pajisja nuk paska hequr vetëm 4 pikë?

Po këta 10 kandidatët e shtuar rishtazi me sa pikë mangut i kish nxjerr pajisja e Shkollës?

Po pajisja e Drejtor Rakipit pse nuk i kishte identifikuar që dje kur tha që provimet ishin kontrolluar manualisht?

Pas pajises Scantron, në shkollën e Magjistraturës pëson

Pas pajises Scantron, në shkollën e Magjistraturës pëson

Pardje pësoi defekt pajisja e numërimit.

Ndaj Drejtor Rakipi u pajis vetë dhe korrigjoi gabimin e pajisjes dhe nxori një listë të re.

Minimumi listën e sotme, dikush duhet ta kishte shoqëruar edhe me shpjegimin se kush apo çfarë pësoi defekt nga dje deri sot?

Një leksion transparence, dikush edhe mund ta ofrojë nga shkolla që ka të paktën 3 ditë që ka pësuar defekt.

Dhe defektin po e paguajnë sot ata kandidatë që me siguri kanë muaj që përgatiten për "konkursin" që nisi me 79 fitues dhe deri sot ka të shtuar edhe 52 "fitues" të tjerë.

Drejtor Rakipi dje e na dha leksionin se si në një proçes, kërkesat e ndërmjetme, shqyrtohen pasi të nxirret vendimi përfundimtar.

Sot po dëshmon se nëse do ishte i ulur në një tavolinë gjyqtari, procesin do e hapte dhe mbyllte 3 herë në ditë. Sa her t'i prishej pajisja! Apo sipas thirrjeve në celular???!!!

Është fakt se numri i kandidatëve "fitues" brenda 48 orëve u rrit me 52 vetë. Pothuaj 3 kandidat në 2 orë!

Nga 79 kandidatë që u gëzuan para dy ditësh, sot kemi edhe 52 të gëzuar të tjerë.

Nëse vazhdon kështu, për punë 3-4 ditësh mundet që të dalin të gëzuar të gjithë 442 aplikantët dhe nuk ka më kandidatë që ankohen.

Ndërkohë, Drejtor Rakipi e ka shtyrë pa afat testin e dytë./ CNA





Lajmet e fundit nga