LEXO PA REKLAMA!

SHKARKO APP

Skandal pas skandali/ Fryhet sërish lista e fituesve te "Magjistratura"

24 Prill 2024, 19:52, Denoncim CNA

Skandal pas skandali/ Fryhet sërish lista e fituesve te

Skandali me pranimet në Shkollën e Magjistraturës sa vjen e zgjerohet. CNA tregoi se si listës së fituesve në testimin e fazës së parë iu shtuan 42 emra.

Fillimisht, të hënën e testimit, ku u publikuan edhe emrat e fituesve, lista përbëhej vetëm nga 79 persona që duhet të kalonin në fazën e dytë.

Por, një ditë më pas, listës iu shtuan edhe 42 emra të tjerë dhe fitues të fazës së parë rezultonin 121 persona.

CNA raportoi këtë skandal, i cili u pasua me reagimin e drejtorit të shkollës së Magjistraturës, Arben Rakipi.

Ky i fundit pranoi gjithçka dhe deklaroi se fajin e kishte scantroni, pajisja që korrigjonte provimet, e cila sipas tij nuk kishte përllogaritur mirë pikët.

Por, skandali nuk përfundon këtu. Ditën e sotme, CNA ka mësuar se listës së personave fitues i janë shtuar edhe 10 emra të tjerë dhe në total janë 131 persona që kalojnë në fazën e dytë të testimit.

Skandal pas skandali/ Fryhet sërish lista e fituesve te

Në listën përfundimtare emrat janë radhitur sipas rendit alfabetik në mënyrë që të mos kuptohet se cilët janë 10 personat e rinj që u shtuan në listë dy ditë pas shpalljes së rezultateve të testimit.

Skandal pas skandali/ Fryhet sërish lista e fituesve te

Ky skandal lë hapësirë për dyshime pazaresh dhe ndërhyrjesh në shkollën që përgatit magjistratët, prokurorët dhe gjykatësit e ardhshëm.

Skandal pas skandali/ Fryhet sërish lista e fituesve te

Për fryrjen e listës së kandidatëve ka pasur një kundërshtim të fortë nga konkurrentët. 27 persona firmosën një peticion për anulimin e testimit të parë dhe ripërsëritjen e tij, por kërkesa e tyre u refuzua kategorikisht nga Rakipi.

Skandal pas skandali/ Fryhet sërish lista e fituesve te

Ndërkohë, ditën e sotme që ishte parashikuar të zhvillohej testimi i dytë, drejtori i shkollës së Magjistraturës ka njoftuar se provimi nuk do të zhvillohet, por do të shtyhet.

Rakipi nuk ka dhënë asnjë shpjegim për konkurrentët dhe asnjë datë për provimin e fazës së ardhshme.

Tashmë, fati i magjistratëve, prokurorëve apo gjyqtarëve ka mbetur në duart e Rakipit, i cili duket se ka pësuar defekt ashtu si pajisja që fajësoi që në krye të herës./ CNA

Lajmet e fundit nga