web counter
LEXO PA REKLAMA!

SHKARKO APP

App Store
Google Play

E fundit!

x

Moçali i Sigurimit të Kujdesit Shëndetësor, si model Rilindje

23 Prill 2024, 18:42, Denoncim Klodian Tomorri
Moçali i Sigurimit të Kujdesit Shëndetësor, si model
Gazetari Klodian Tomorri

Fondi i Sigurimit të Kujdesit Shëndetësor, një institucion i përfshirë në skandale korrupsioni deri në mykje, prej vitit 2019 nuk publikon më asnjë informacion për rimbursimet e barnave dhe farmacitë përfituese.

Bizneset farmaceutike, pronarët e të cilëve u arrestuan nga prokuroria disa vite më parë se vidhnin paratë e të sëmurëve përmes rimbursimeve fiktive, sot kanë një xhiro shumë më të madhe se sa atëherë.

Pra, dyshimet shumë të arsyeshme sinjalizojnë se biznesi i vjedhjes së të sëmurëve me rimbursimet vazhdon më fuqishëm se kurrë. Këtu bëhet fjalë për një vjedhje me miliona euro në muaj. Por të dhënat tani nuk i dimë. Sepse Fondi nuk i publikon.

Dhe kjo nuk është e rastësishme. FSDKSH i fsheh të dhënat me fanatizëm. Mua mi kanë refuzuar edhe me kërkesë për informacion sipas ligjit. Por pse i fsheh FSDKSH të dhënat? Sepse Fondi është mekanizmi dhe truri i vjedhjes. Një moçal i fëlliqur.

Deri në vitin 2018, statistikat e rimbursimeve publikoheshin të plota; sa rimbursoheshin dhe kush ishin farmacitë apo kompanitë përfituese. Sot jemi 6 vjet më pas dhe 400 milionë euro të shpenzuara për Shqipërinë digjitale. Por të dhënat fshihen.

Eksperienca thotë se sa herë që ka fshehje, nga pas qëndron një vjedhje e madhe. Ah po. U rrit numri i turistëve. Këtë statistikën e kanë shumë transparente dhe e botojnë të gjithë një herë ne tri ditë. 

Ndërsa paratë e qytetarëve që vidhen fshihen nga shefat e pa ngishëm të kolerës fshihen nga koordinatorët kukumjaçka të Rilindjes.





Lajmet e fundit nga