LEXO PA REKLAMA!

SHKARKO APP

Ermal Kapllanaj, ultimatum vartësve/ Pëlqeni dhe shpërndani filmin me metrazh të shkurtër të Veliajt

24 Prill 2024, 18:39, Denoncim CNA
Ermal Kapllanaj, ultimatum vartësve/ Pëlqeni dhe shpërndani
Kreu i Policisë Bashkiake të Tiranës, Ermal Kapllanaj

Një film me metrazh të shkurtër mund ta quajmë videon e kryebashkiakut të Tiranës, Erion Veliaj, i cili na u shfaq duke ndihmuar një grua që i bie të fikët në Hannover të Gjermanisë. 

Këtë video, Veliaj është kujdesur që ta shpërnfdajë në mediat e tij për të bërë propagandë dhe për të ndryshuar opinionin publik, në një kohë kur bashkia e tij është përfshirë nga skandalet pas arrestimit të drejtorëve hajdutë.

CNA publikoi sot një bisedë në "Whats Up", ku zyrtari i UKT-së, Dorian Korbeci u kërkonte punonjësve që të bëjnë sa më shumë "like" dhe "share" në rrjetet sociale kësaj videoje.

CNA ka siguruar një tjetër mesazh të tillë në një grup "Whats Up"-i. Kësaj radhe është Ermal Kapllanaj, Drejtori i Policisë Bashkiake të Tiranës ai i cili u ka dhënë ultimatum vartësve që të pëlqejnë dhe të shpërndajnë filmin me metrazh të shkurtër të Veliajt.

Dhe kjo nuk është hera e parë që Kapllanaj urdhëron punonjësit e policisë bashkiake të bëjnë propagandë për Veliajn.

Ermal Kapllanaj, ultimatum vartësve/ Pëlqeni dhe shpërndani

Disa ditë më parë, CNA publikoi disa mesazhe, ku drejtori i Policisë Bashkiake urdhëronte punonjësit që të bëjnë sa më shumë “like” për aktivitet e Erion Veliajt dhe bashkisë Tiranë.

Duhet theksuar edhe njëherë se një veprim i tillë shkel nenin 16 të Ligjit për Policinë Bashkiake, ku thuhet se punonjësi i Policisë Bashkiake nuk duhet të shprehë publikisht bindjet ose preferencat e tij politike gjatë kohës së ushtrimit të detyrës.

“Të drejtat politike

1. Policia Bashkiake është strukturë e depolitizuar.

2. Punonjësi i Policisë Bashkiake nuk mund të jetë anëtar i partive politike.

3. Punonjësi i Policisë Bashkiake nuk duhet të shprehë publikisht bindjet ose preferencat e tij politike gjatë kohës së ushtrimit të detyrës”, theksohet në nenin 36.

Ermal Kapllanaj, ultimatum vartësve/ Pëlqeni dhe shpërndani

Por Veliaj dhe Kapllanaj apo drejtorët e tjerë nuk pyesin për ligjin. Ata e shkelin ligjin me dy këmbë vetëm për të bërë propagandë dhe për të shuar skandalin që u ka kapluar Bashkinë e Tiranës./ CNA

Lajmet e fundit nga