web counter
LEXO PA REKLAMA!

SHKARKO APP

App Store
Google Play

Amnesty International dënon sulmin e Erion Veliajt ndaj Ola Xamës

24 Prill 2024, 17:50, Aktualitet CNA
Amnesty International dënon sulmin e Erion Veliajt ndaj Ola Xamës
Erion Veliaj

Amnesty International, një nga organizatat më të mëdha të mbrojtjes së të drejtave të njeriut në botë, publikoi raportin për vitin 2023.

Raporti vëren si shqetësim të veçantë, gjendjen e lirisë së shprehjes dhe të mediave në Shqipëri.

Amnesty International u fokusua veçanërisht tek dhuna verbale ndaj gazetares Ola Xama, e cila u sulmua nga kryebashkiaku Erion Veliaj, me etiketimin "vrasëse me pagesë".

Gjithashtu, Raporti i referohet edhe sulmeve nga disa media online, që dukshëm kishin për qëllim intimidimin dhe denigrimin e figurës së saj.

Kryetari i Bashkisë së Tiranës, Erion Veliaj, një vit më parë sulmoi me një gjuhë të ashpër përmes telefonit gazetaren Ola Xama të Rrjetit "BIRN Albania", pas një shkrimi që ajo publikoi mbi hetimet e SPAK-ut për incineratorët.

Veliaj hodhi poshtë shkrimin si të pavërtetë, dhe i nisi gazetares një seri mesazhesh në telefon, ku midis të tjerave, e quajti atë “një vrasëse me pagesë”.

“Gazetarët u sulmuan nga figura politike, siç është Erion Veliaj, kryebashkiaku i Tiranës”

“Erion Veliaj iu referua një gazetareje investigative, duke e etiketuar atë si “vrasëse me pagesë”, në kundërpërgjigje të një artikulli, në të cilin ajo kishte theksuar rolin që kryebashkiaku Veliaj ka luajtur në projektin e inceneratorit të Tiranës”,- vëren raporti i Amnesty International duke iu referuar sulmeve të kryebashkiakut Veliaj, kundër gazetares Ola Xama.

Në atë periudhë mediat e Veliajt ndërmorën një fushatë të qëllimshme denigruese e kërcënuese, për shkak të detyrës, si pasojë e shkrimeve investiguese të gazetares Ola Xama, përmes të cilave ajo ka ekspozuar përfshirjen e zyrtarëve të lartë, mes tyre edhe Erion Veliajn, në afera të rënda korruptive./ CNA

 





Lajmet e fundit nga