web counter
LEXO PA REKLAMA!

SHKARKO APP

App Store
Google Play

E fundit!

x

“Veliaj ka dështuar”/ Muçollari: Përparësia e tij dhe e drejtorëve janë vetëm kullat

25 Prill 2024, 14:00, Aktualitet CNA
“Veliaj ka dështuar”/ Muçollari: Përparësia e
Anëtari i Kryesisë së PD-së, Grigels Muçollari

Anëtari i Kryesisë së PD-së, Grigels Muçollari, në një deklaratë për mediat ka renditur faktorët të cilët dëmtojnë jetesën në Tiranë.

Ndërtimet pa kriter, ndotja akustike dhe atmosferike, mungesa e parqeve dhe hapësirave, trafiku janë vetëm disa nga faktorët që ndikojnë në jetën e qytetarëve.

“Sondazhi i fundit i 'Monitor' tregon se ndërtimi pa kriter dëmton cilësinë e jetës në Tiranë.

E dyta është ndotja atmosferike dhe akustike. E treta është mungesa e parqeve dhe hapësirave të përbashkëta. Trafiku rrit stresin në kryeqytet”, u shpreh ai.

Ndër të tjera deklaroi se përparësia e Erion Veliajt dhe drejtorëve të tij janë vetëm kullat. Sipas Muçollarit Veliaj ka dështuar dhe është përfshirë në korrupsion.

Në mbyllje të deklaratës, anëtari i Kryesisë së PD-së bën thirrje për t'u bashkuar në protestën që do të mbahet nesër në orën 11:00 para bashkisë.

“Përparësia e tij dhe e drejtorëve hajdutë janë kullat dhe vetëm kullat.

Familjet tona po preken nga sëmundjet që lidhen me mushkëritë, alergjitë dhe shëndeti mendor. Ndotja e ajrit është disa herë më e lartë se mesatarja e BE-së.

Ai ka dështuar, është përfshirë në korrupsion. Duhet të largohet.

Të premten bashkohu dhe ti “, tha Muçollari./ CNA





Lajmet e fundit nga