web counter
LEXO PA REKLAMA!

SHKARKO APP

App Store
Google Play

E fundit!

x

Artan Hoxha zbulon dëshmitarin për çështjen ÇEZ-DIA, dikur person i afërt i Metës

25 Prill 2024, 22:43, Aktualitet CNA
Artan Hoxha zbulon dëshmitarin për çështjen
Gazetari Artan Hoxha

Gazetari Artan Hoxha ka zbuluar një nga dëshmitarët kundër kreut të PL-së, Ilir Meta, në lidhje me çështjen ÇEZ-DIA.

Hoxha tha në emisionin “Të paekspozuarit” se përveç Romeo Karajt, në SPAK ka dëshmuar edhe Elvis Mata, i cili më parë ka qenë person i afërt i Metës.

Ai bëri të ditur se Mata u mor në mbrojtje nga RENEA gjatë kohës kur u intensifikuan hetimet dhe u largua nga vendi për shkak të presionit që iu ushtrua.

Gazetari deklaroi se dëshmitari ka bërë disa deklarime për SPAK-un.

“SPAK-u ka intensifikuar veprimet, sepse ka edhe afate. Çështjet kanë ardhur drejt fundit. Nga 9 kallëzime, 6 janë refuzuar, 3 kanë mbetur në lojë. Në dy është Kryemadhi dhe Meta për CEZ DIA. Zoti Meta e nisi sulmin me SPAK, kryesisht me cështjen CEZ-DIA dhe me persona konkretë. Idenfitikoi, Romeo Karaj, një juristi që ka qenë drejtor në momentin e fundit të kompanisë DIA, kompanisë së Kastriot Ismailaj, e cila mblidhte borxhet e CEZ. 

Sulmi i Metës ndaj Romeo Kara dhe Elvis Matës, ish njeriu i afërt i tij, një nga drejtuesit e FRESH. Ky ka qenë njeri i afërt i Metës, drejtor ekzekutiv i kompanisë DIA. Me profesion është ekonomist. Ka qenë drejtues i disa filialeve të bankave të nivelit të dytë. Gjithë komunikimet e DIA, marrëveshjet, i ka patur Elvis Mata. Në momentin kur hetimet u intensifikuan, Elvis Mata u mor në mbrojtje nga RENEA. U vu nën presion, pati akuzë ndaj bashkëshortes së tij dhe u largua jashtë vendin, por ai ka dhënë dy dëshmi, një në Vienë dhe deklarime të tjera që janë vënë në dispozicion të SPAK. Ai u arratis nga Shqipëria. Di që tani ka komunikuar me SPAK. Është njeri i lirë.

Njeriu i tretë që akuzoi ishte bashkëshortja e Kastriot Ismailaj, që edhe ajo ka dhënë një dëshmi.

Gjatë kësaj jave, SPAK ka vijuar të kryejë hetime, në lidhje me dokumentacionin, por ende nuk është drejtuar para një institucioni konkret për të marrë ndonjë masë sigurie. Për sa kohë që prokurori nuk shënon një emër, ka afat sa të dojë. Deri në këtë moment, emri i zotit Meta nuk është i regjistruar, por mund të zgjatet, si në rastin Berisha”, theksoi Hoxha./ CNA





Lajmet e fundit nga