web counter
LEXO PA REKLAMA!

SHKARKO APP

App Store
Google Play

E fundit!

x

Nesër protesta para Bashkisë/ Kërkohet me çdo kusht dorëheqja e Veliajt

25 Prill 2024, 19:45, Aktualitet CNA

Nesër protesta para Bashkisë/ Kërkohet me çdo kusht

Ditën e nesërme, Aleanca për Mbrojtjen e Teatrit, e mbështetur edhe nga opozita, do të jetë në protestë para Bashkisë së Tiranës, për të kërkuar dorëheqjen e kryebashkiakut, Erion Veliaj.

Drejtuesit e protestës kanë deklaruar se nuk do të tërhiqen pa larguar nga zyra kryebashkiakun dhe kryehajdutin e Tiranës, pronarin faktik të inceneratorit dhe të organizatës 5D, Erion Veliajn.

Nuk kanë munguar edhe kritikat e vetë kryeministrit Edi Rama, në lidhje me skandalet që kanë ndodhur në Bashkinë më të madhe të vendit.

Rama nuk e ka kursyer Erion Veliajn, teksa inkurajoi Prokurorinë e Posaçme SPAK, “për t’i nxjerrë ujin e zi” korrupsionit, duke iu referuar vetë kreybashkiakut Veliaj.

Kryeministri, edhe në lidhje me drejtorët hajdutë të Erion Veliajt, i ka quajtur tradhtarë, frikacakë dhe të korruptuar. Rama ka dalë në mbrojtje të SPAK-ut dhe e ka motivuar që të vijojë me hetimet. 

Në protestën e fundit të zhvilluar para Bashkisë Tiranë, qytetarët u shfaqën të zemëruar ndaj Veliajt. Nuk munguan përplasjet mes tyre dhe policisë, pasi tentuan të futeshin brenda godinës. Ata kërkojnë dorëheqjen e menjëhershme të kryebashkiakut Veliaj. 

Nga ana tjetër, Veliaj është shfaqur "i nxirë" dhe i shqetësuar në daljet mediatike, edhe pse është përpjekur që skandalin ta "mbulojë" me propagandë./ CNA

 





Lajmet e fundit nga