web counter
LEXO PA REKLAMA!

SHKARKO APP

Investigimi i "RAI 3"/ Meloni, në mbështetje të Ramës: Solidarizohem me Shqipërinë

28 Prill 2024, 13:35, Politikë CNA
Investigimi i "RAI 3"/ Meloni, në mbështetje të
Giorgia Meloni

Kryeministrja italiane, Giorgia Meloni, ka reaguar lidhur me emisionin “Report” të "RAI 3" në të cilën u kritikua marrëveshja për emigrantët mes Shqipërisë dhe Italisë.

Në një fjalim të mbajtur në Pescara gjatë konventës në të cilën shpalli kandidaturën e saj në zgjedhjet evropiane të 8 dhe 9 qershorit, ajo theksoi se kryeministri Edi Rama është linçuar pasi ndihmoi Italinë. 

Madje sipas kryeministres italiane, Shqipëria u paraqit në dokumentar si një narko-shtet dhe tha se solidarizohem me vendin fqinj, duke i dalë në mbrojtje kështu Edi Ramës. 

"Ramën e linçuan se ndihmoi Italinë. Solidarizohem me Ramën dhe popullin shqiptar. Kemi bërë marrëveshjen me Edi Ramën, kryeministrin e Shqipërisë, për hapjen e dy qendrave për pritjen e emigrantëve nga Italia. Por e majta italiane, në vend që ta falënderonte Edi Ramën, që reagoi në emër të solidaritetit evropian, e linçuan. Aq më tepër, shërbimi publik Italian, 'RAI 3' (TeleMeloni), e cila në një edicion të sajin e pikturoi të gjithë Shqipërinë si një lloj narko-shteti. Më ndihmoni ju lutem t’i dërgoj Edi Ramës dhe të gjithë popullit shqiptar mbështetjen dhe solidaritetin tonë, përse u linçuan, vetëm sepse tentuan të mbrojnë kombin tonë", u shpreh Meloni./CNA


 





Lajmet e fundit nga