web counter
LEXO PA REKLAMA!

SHKARKO APP

App Store
Google Play

E fundit!

x

Faza e 18-të e “Alpe të pastra”/ Asgjësohen mbi 3500 bimë kanabis, disa persona në kërkim

4 Tetor 2023, 14:22, Kosova & Bota CNA

Faza e 18-të e “Alpe të pastra”/ Asgjësohen mbi 3500

Mbi 3500 bimë kanabis janë asgjësuar në fazën e 18-të të megaoperacionit policor në nivel qarku, të koduar “Alpe të pastra” që pati si fokus goditjen e kultivimit të bimëve narkotike.

Në këtë fazë përmbyllëse të këtij megaoperacioni, u asgjësuan në total 3520 bimë të dyshuara narkotike cannabis sativa, prej të cilave: 2098 bimë në Pult dhe në Shalë; 1108 bimë në fshatrat Shllak dhe Temal dhe 314 bimë në fshatrat Kastrat dhe Shkrel.

Gjithashtu vijon puna hetimore, për identifikimin dhe kapjen e shtetasve që kanë kultivuar bimët narkotike që janë asgjësuar në kuadër të këtij megaoperacioni.

Gjatë periudhës 29 prill-4 tetor 2023, kur u zhvillua ky megaoperacion, u asgjësuan në total 75 903 fidanë dhe bimë narkotike cannabis sativa, u vunë në pranga 9 autorë të dyshuar të kultivimit të tyre, si dhe u shpallën në kërkim 11 shtetas të tjerë.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme hetimore./ CNA





Lajmet e fundit nga