web counter
LEXO PA REKLAMA!

SHKARKO APP

App Store
Google Play

Pas lirimit, flet avokati mbrojtës i Radoiçiç/ Mohon akuzat

4 Tetor 2023, 10:44, Kosova & Bota CNA
Pas lirimit, flet avokati mbrojtës i Radoiçiç/ Mohon akuzat
Milan Radoiçiç

Avokati i Milan Radoiçiç, Goran Petronijeviç, ka folur pas lirimit të ish-nënkryetarit të Listës Serbe.

Sipas avokatit, Radoiçiç nuk mohon faktin që ditën e sulmit ka qenë në Banjskë, por mohon veprat penale për të cilat akuzohet që kanë të bëjnë me armët dhe krimin e rëndë kundër sigurisë së Përgjithshme.

Sipas avokatit polici Afrim Bunjaku ka humbur jetën aksidentalisht nga shpërthimi i një mine dhe se është vrarë apo është qëlluar.

Avokati është shprehur se në momentin e arrestimit Radoiçiç ka qenë në një banesë në Beograd, ku në orët e para të mëngjesit është kryer kontrolli. Ai shtoi se në banesë nuk është gjetur asgjë me rëndësi, përveç se Milan Radoiçiç kishte një armë për të cilën kishte leje.

“Ai nuk e ka mohuar gjendjen faktike, absolutisht e ka vërtetuar gjendjen faktike, por mohon se ka të bëjë me veprat penale që i ngarkohen, ka shpjeguar motivet e tij, do të dëgjoni kur të vijë koha për këtë”, thotë avokati.

I pyetur për të komentuar deklaratën e Prokurorisë së Lartë Publike se armët janë dorëzuar nga Tuzledi, Radoiçiç i ka marrë në Bubanj Potok dhe i ka dërguar në Kosovë, Petronijeviç ka thënë se kjo është pjesë përbërëse e deklaratës së tij.

Petronijeviç tha se çdo gjë e kupton si çështje presioni.

“Ne nuk kemi asnjë provë të vetme për momentin, përveç pamjeve të gazetave, për gjithçka që ai akuzohet”, tha ai.

Milan Radoiçiç akuzohet për veprën e prodhimit, posedimit, mbajtjes dhe trafikimit të paautorizuar të armëve dhe lëndëve shpërthyese nga neni 348 paragrafët 4 dhe 3 lidhur me paragrafin 1 të Kodit Penal në lidhje me veprën penale të Pjesëmarrja në grup që kryen vepër penale nga neni 349 paragrafi 2 në lidhje me paragrafin 1 të Kodit Penal dhe veprën penale Vepra penale kundër sigurisë së përgjithshme nga neni 288 paragrafi 2 në lidhje me nenin 278 paragrafi 1 të Kodit penal./ CNA





Lajmet e fundit nga