web counter
LEXO PA REKLAMA!

SHKARKO APP

App Store
Google Play

Shkarkohet kryetari i Dhomës së Përfaqësuesve të SHBA-së

4 Tetor 2023, 07:32, Kosova & Bota CNA
Shkarkohet kryetari i Dhomës së Përfaqësuesve të
Foto ilustruese

Kryetari i Dhomës së Përfaqësuesve të SHBA-së, Kevin McCarthy, është shkarkuar pas një votëbesimi.

Kongresmeni u shkarkua me 216 vota pro dhe 210 vota kundër.

Ultrakonservatorët u rebeluan pasi ai arriti një marrëveshje të shtunën me demokratët e Senatit për të financuar agjencitë qeveritare.

Republikani nga Florida, Matt Gaetz, një aleat i Trump, paraqiti një mocion për të rrëzuar McCarthy-n.

Ai akuzoi kryeparlamentarin se bëri një marrëveshje të fshehtë me Shtëpinë e Bardhë për të vazhduar financimin për Ukrainën, mes negociatave për të shmangur një mbyllje të pjesshme të qeverisë në fundjavë.

Nga ana tjetër McCarthy e mohon atë.

Në një takim privat të ligjvënësve republikanë të martën në mbrëmje, pasi humbi punën e tij, McCarthy u tha kolegëve se nuk kishte në plan të kandidonte përsëri për kryeparlamentarin.

Ai më vonë sulmoi armikun e tij politik, z. Gaetz, duke e akuzuar atë për kërkim të vëmendjes.

"Ju e dini se ishte personale," tha zoti McCarthy në një konferencë shtypi, "nuk kishte të bënte me shpenzimet."

Ai u bë kryetar vetëm në janar pas 15 raundeve të votimit pasi zoti Gaetz dhe të djathtët e tjerë refuzuan ta mbështesin atë.

Vetëm tetë republikanë votuan për të rrëzuar zotin McCarthy nga kryetari i Dhomës së Përfaqësuesve./ CNA





Lajmet e fundit nga