web counter
LEXO PA REKLAMA!

SHKARKO APP

App Store
Google Play

E fundit!

x

Shpërndante kanabis pranë shkollave në Laprakë, arrestohet 23-vjeçari

30 Shtator 2023, 13:07, Kronika CNA
Shpërndante kanabis pranë shkollave në Laprakë, arrestohet
Momente nga arrestimi i 23-vjeçarit

Policia e Tiranës gjatë operacionit "Tempulli" ka arrestuar një 23-vjeçar me iniciale F.B për shtije të lëndëve narkotike pranë shkollave.  

Nga hetimet ka rezultuar se i riu, pasi siguronte lëndë narkotike kanabis, e ndante në doza, të cilat i shiste më pas në afërsi të shkollave, në zonën e Laprakës.

Njoftimi i Policisë:

Sekuestrohet një sasi lënde narkotike cannabis sativa, e ndarë në doza të gatshme për shitje.
Specialistët e Seksionit për Hetimin e Narkotikëve, në vijim të veprimeve intensive operacionale të kryera në kuadër të megaoperacionit policor mbarëkombëtar, antidrogë, të koduar “Tempulli”, pasi kanë siguruar informacion se në afërsi të disa shkollave në Laprakë, një shtetas shiste lëndë narkotike, kanë organizuar punën për kapjen dhe vënien e tij, përpara përgjegjësisë ligjore.
Si rezultat, në rrugën "Gjergj Legisi", u kap dhe u arrestua në flagrancë shtetasi F. B., 23 vjeç, banues në Tiranë.
Gjatë kontrollit, shërbimet e Policisë i kanë gjetur 23-vjeçarit, një sasi lënde të dyshuar narkotike kanabis, të ndarë në doza, gati për shitje. Lënda narkotike u sekuestrua në cilësinë e provës materiale.
Nga verifikimet e kryera ka rezultuar se ky shtetas, pasi siguronte lëndë narkotike kanabis, e ndante në doza, të cilat i shiste më pas në afërsi të shkollave, në zonën e Laprakës.
Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme procedurale./CNA

 

 





Lajmet e fundit nga