Rënia e Veliajt mban Ramën në pushtet

28 Prill 2024, 09:33, Politikë CNA

Edi Rama dhe Erion Veliaj

Ka shumë teza ditët e fundit se kryeministri Edi Rama nuk do të lëshojë Erion Veliajn, ai ka në kontroll SPAK-un dhe të tjera si këto. Ndërkohë që institucionet diplomatike gjithmonë kanë pasur një qëndrim të drejtpërdrejtë se SPAK-u është jashtë kontrollit të Edi Ramës, pavarësisht influencave që ai mund të ketë.

Erion Veliaj ka gjetur një tezë, që qarkullon nëpër politikë dhe nëpër tryeza se me rënien e tij binte Edi Rama, me rënien e tij binte pushteti i Rilindjes e kështu me radhë.

Në fakt me rënien e Erion Veliajt nuk bie Partia Socialite dhe nuk bie Edi Rama sepse po ta shikosh e gjithë PS-ja është në festë.

Veliaj në SPAK, PS-ja në festë
28 Prill, 09:30

Erion Veliaj është një çiban i futur në PS, është një “Mjaft”-ist që luftoi për rënien e tyre nga pushteti në vitin 2004. Socialistët e vërtetë e dinë shumë mirë këtë. Erion Veliaj është 99-ç që ka marrë dhe ka futur në struktura të partisë apo ka emëruar drejtorë hajdutë, të cilët janë kapur duke i vënë njollë PS-së, të cilën nuk kishte pse e mbante kjo e fundit.

99-çat dhe vullnetarët e Enverit kundër ndërkombëtarëve
22 Janar, 19:05

Ndaj dhe rënia e Erion Veliajt nuk sjell rënien e Edi Ramës. Rënia e Erion Veliajt do të sillte bashkimin e PS-së dhe do sillte një zgjerim më të madh të së majtës përtej intrigave, palaçollëqeve dhe pabesive të Erion Veliajt.

Veliaj po shkon në SPAK, jo për një dosje, por për disa dhe do të ketë përpara prokurorët për të dhënë llogari në lidhje me gjithçka ka bërë në këto gati 9 vite në krye të Bashkisë së Tiranës.

Me skandale dhe afera, me drejtorë hajdutë, por edhe me skema që kanë filluar me vajtjen e tij në bashki, nga ato më të pamendueshmet, të cilat priten të zbardhen më tej në ditët në vijim, jo thjesht dhe vetëm nga hetimet e SPAK-ut, por edhe nga fakte dhe prova që do t’i vihen këtij institucioni në dispozicion ditë pas dite, orë pas ore, thjesht dhe vetëm për të treguar të vërtetën e kryebashkiakut të Tiranës, i cili kërkon që të mbajë lart parullën: “Po rashë unë, bie edhe Edi Rama”.

Veliaj merr rrugët që të mos shkojë në SPAK
23 Prill, 14:30

Por në fakt është e kundërta, po ra Erion Veliaj, Edi Rama me shumë gjasa do të jetë edhe për më shumë se 4 vjet në pushtet. Pasi tashmë do të ketë pastruar terrenin e 99-çave dhe socialistët do të jenë më të bashkuar me njëri-tjetrin./CNA