Tuneli pa dritë i Olsian Çelës

25 Prill 2024, 11:18, Editorial Elvi FUNDO

Erion Veliaj dhe Olsian Çela

Kryeprokurori Olsian Çela ishte një nga njerëzit që mori mbështetje të madhe në opinionin publik. Shihej si një personazh pozitiv, njeri i ndershëm, me një platformë që do të reformonte prokurorinë dhe do të bënte namin me drejtësinë e re.

Në fakt, në 5 vite në krye të Prokurorisë së Përgjithshme thjesht dhe vetëm ka dështuar. Ka dështuar duke mos bërë asgjë dhe për më tepër ka hyrë në një tunel që duket se nuk ka dritë në fund të tij.

Olsian Çela si “e ëma e Zeqos në majë të thanës”/ Kryeprokurori i një vendi ku ligjin e ka bërë Ervis Martinaj
23 Shtator, 11:34

Jo thjesht dhe vetëm për reformat, punën që duhet të bëjë një Prokuror i Përgjithshëm, por edhe për veprimet apo mosveprimet e tij, që nga dosja famoze e Olsi Ramës e dalë në duart politike dhe mediatike të servirua nga Bashkia e Tiranës tek opozita.

Olsian Çela imiton Ramën/ Sulmon prokurorët
17 Maj, 12:23

Nga takimet e netëve të gjata të kryeprokurorit me kryebashkiakun Erion Veliaj, (me apo pa avuj wiski) një miqësi shumë e madhe e muajve të fundit pas plasjes së dosjes "5D", një tunel errësire që e çon Prokurorin e Përgjithshëm, njeriun që kishin shpresë dhe e mbështesnin të gjithë, pa dritë ose diku ku ai ka zgjedhur të shkojë pa arsye.

Olsian Çela

E nxori apo jo ai dosjen e Olsi Ramës, në rast se nuk e ka hetuar, përgjegjësia është e tij. Në rast se ka nxjerrë dosjen, ka hyrë në politikë. E në rast se ka përdorur linja të caktuara bashkëpunimi me kryebashkiakun Veliaj duke i dhënë garanci këtij të fundit për ta shpëtuar apo njerëzit afër tij, thjesht dhe vetëm tregon se është një dështim si shumë të tjerë në procesin e Reformës në Drejtësi në Shqipëri.

Ndoshta ka zgjedhur të bëhet 99-ç në politikë.

Skandali me dosjen "5D"/ Veliaj shet bashkëpunëtorët: Do të përballen vetë me drejtësinë
6 Prill, 12:26

Nuk është çudi e madhe që edhe Olsian Çela të jetë një dështim, një zhgënjim, por nuk mundet të shkojë në një rrugë pa krye, në një tunel në errësirën e të cilit përzihen politika, hajdutët e Bashkisë së Tiranës, kryebashkiaku Veliaj, njerëzit e politikës, apo edhe segmente të caktuara të grupeve kriminale, të cilat kanë interesa te Prokurori i Përgjithshëm për të kanalizuar lëvizjet e tyre te Prokuroria e Tiranës, aty ku pazaret janë më të mëdha dhe dosjet mbyllen më lehtë.