web counter
LEXO PA REKLAMA!

SHKARKO APP

App Store
Google Play

Olsian Çela imiton Ramën/ Sulmon prokurorët

17 Maj 2022, 12:23, Aktualitet CNA

Prokurori i Përgjithshëm, një herë në vit shfaqet korridoreve të Kuvendit duke dhënë leksione për luftimin e krimit.

Edhe sot para komisionit të ligjeve, ka bërë atë që di të bëjë më mirë, të japë leksione si para studentëve.

Çela është shfaqur me një gjuhë të ashpër si kryeministri Edi Rama, duke sulmuar prokurorët se sipas tij nuk kanë punuar.

?I kam kërkuar kontroll Policisë Gjyqësore. Dhe prokurorët raportojnë dhe kërkojnë masa për ta. Ajo që ne kemi menduar dhe jemi në kontakt me ekspertë. Ne do të kemi mundësinë tani të kemi një prokuror dhe një OPGJ. Nuk mund të fshihen më prokurorët pas justifikimeve ku 5 veta punojnë dhe të tjerët fshihen?, është shprehur Çela.

Sipas tij, pastrimi i parave është shqetësimi më i madh dhe se Prokuroria më e madhe në vend, Tirana me 7 prokurorë nuk po bën asgjë.

?Çfarë ndodh sot në Shqipëri dhe nga vijnë këto para, nga ndërtohen këto që ndërtohen.

Dhe ka qenë shqetësim që e kam shprehur përmes akteve dhe veprimtarisë sime. Sa referime ka sot nga drejtoria e tatimeve për sanksionet e prokurorisë që merren me pastrimin e parave? 0.

Pse? Këtë bën prokurori i Përgjithshëm të bëjë strukturën. T’i specializojë dhe t?i trajnojë njerëzit dhe e ka bërë. Prokurori i Përgjithshëm nuk heton. Prokurori pret që pas krijimit të infrastrukturës këta njerëz të japin impakt.

Cila është Prokuroria më e dobët sot për pastrimin e parave? Është prokuroria më e madhe në vend e pafalshme. Ka 7 prokurorë që nuk bëjnë asgjë. Unë nuk mund të bëj asgjë se nuk hetoj dhe inspektoj. Ky është problem. Duhet ta themi. Performon prokuroria e Fierit dhe Durrësit?, ka thënë Çela, i cili tashmë të njëjtat deklarata pritet t?i përsërisë në Kuvend./CNA.al





Lajmet e fundit nga