web counter
LEXO PA REKLAMA!

SHKARKO APP

App Store
Google Play

E fundit!

x

Tradhtar, parazit, hajdut, armik/ Rama zbraz “arsenalin” ndaj Veliajt

7 Maj 2024, 11:07, Aktualitet CNA

Tradhtar, parazit, hajdut, armik/ Rama zbraz “arsenalin” ndaj

Kryeministri Edi Rama ka treguar se kush është Erion Veliaj përmes një deklarate në mbledhjen e kabinetit qeveritar.

Tashmë nuk ka asnjë dyshim të lëshimit të Veliajt nga Rama.

Numri një i qeverisë ishte mjaft i qartë ku u shpreh se çdo tradhtar me kostum që fut duart në arkat e shtetit dhe qytetarëve nuk është më pjesë e PS-së dhe meriton vetëm përbuzje.

Termat e përdorur nga Rama ndaj Veliajt ishin të rëndë, duke thënë se brenda PS ka parazitë që thithin gjakun e trupit ku rriten, tradhtarë të dyfishtë që tradhtojnë popullin dhe familjen politike, hajdutë dhe armiq të zgjedhësve që u kanë dhënë mundësinë t’i përfaqësojnë.

Të gjitha këto tregojnë mënyrën se si është Veliaj në sytë e Ramës dhe socialistëve.

“Dua të jem i qartë me ju te kjo 'ne'-ja e PS-së nuk do të ketë, sa të jem unë i besuari juaj, një 'ne' të njëjtë, sikur bëjmë betejat dhe punët për të cilat na kanë besuar shumica e shiptarëve, sikur për këdo prej nesh që tradhton ata që na kanë besuar duke flirtuar me armikun e shpallur të kësaj lufte, i cili është korrupsioni.

Kush flirton me atë armik, kush i tradhton besimtarët tanë, kush i tradhton njerëzit që i kanë dhënë privilegjin secilit prej nesh për të qenë përgjegjës, nuk është as ne, nuk është as i yni dhe nuk ka punë me ne.

Ashtu sikur dikush që është zgjedhur në krye të një bashkie, nëse fut duart në arkat e këtij shteti dhe xhepat e këtij populli, nuk është ne.

Nuk ka se si të jetë ne dhe as se si të kërkojë gjë tjetër nga ne përveç përbuzjes.

E thënë ndryshe, çdo anëtar i kësaj familjeje politike që bën korrupsionin në funksionet publike është një tradhtar i dyfishtë, jo vetëm i popullit shqiptar si çdo hajdut me kostum që merr çka nuk është e tij, por edhe i PS-së si çdo parazit që ushqehet me gjakun e trupit ku rritet.

Ku qëllon që fatmirësisht që një hajdut dhe parazit i tillë të zbulohet nga drejtësia, i hidhur është sa të duash fakti që e kishim mes nesh, por lajmi që e kemi një parazit më pak në trupin tonë është lajm shumë i mirë”, tha Rama./ CNA





Lajmet e fundit nga