web counter
LEXO PA REKLAMA!

SHKARKO APP

App Store
Google Play

Rama mbledh grupin anti-SPAK/ Xhafaj, gati draftin

7 Maj 2024, 08:24, Aktualitet CNA

Rama mbledh grupin anti-SPAK/ Xhafaj, gati draftin

Ditën e sotme, në orën 09:00, kryeministri Edi Rama do të mbledhë grupin anti-SPAK, ku Famtir Xhafaj pritet të marrë detyrën për të drejtuar komisionin “Ad Hoc” që synon të kontrollojë dhe monitorojë SPAK-un.

CNA mëson se përpara mbledhjes së grupit parlamentar, ministrave dhe grupit anti-SPAK, Xhafaj ka përgatitur draftin për të goditur institucionet e drejtësisë.

Ky në fakt është një sulm mbi SPAK-un dhe institucionet e drejtësisë.

Sot pritet të fillojë punën grupi anti-SPAK dhe kjo do të jetë risia e mbledhjes së Grupit Parlamentar dhe ministrave.

E gjitha kjo është një skemë, të cilën CNA e ka paralajmëruar më parë.

Kjo është një betejë ndaj SPAK-ut, për punën që po bën ndaj korrupsionit, ku në rrjetë ka futur zyrtarë të korruptuar.

Qeveria dhe ministrat po tentojnë të frenojnë goditjet e SPAK-ut.

Ky komision 'Ad Hoc', i drejtuar nga Fatmir Xhafaj dhe një grup 99-çash të Rilindjes ka si qëllim të thërrasë në apel SPAK-un apo të kryejë veprime, të cilat mund të shkojnë te propozimet ligjore në lidhje me SPAK-un apo aktivitetin e tij.

Kujtojmë se kjo lëvizje më herët alarmoi ndërkombëtarët, të cilët mbajtën qëndrimin e tyre të fortë duke thënë se mbështesin SPAK-un dhe goditjet e tij ndaj korrupsionit./ CNA

 





Lajmet e fundit nga