web counter
LEXO PA REKLAMA!

SHKARKO APP

App Store
Google Play

Gjergj Luca mban premtimin/ Ndërton shtëpinë e re për nënë Gjylen

5 Maj 2024, 22:21, Aktualitet CNA
Gjergj Luca mban premtimin/ Ndërton shtëpinë e re për
Sipërmarrësi Gjergj Luca

Në datën 10 prill, në prag të festës së madhe të Fitër Bajramit, sipërmarrësi Gjergj Luca shkoi në katundin Godolesh të Elbasanit, ku takoi nënë Gjylen.

Ai i premtoi nënë Gjyles se do t’i ndërtonte një shtëpi të re, pasi pa kushtet e mjerueshme ku ajo jetonte.

Dhe ashtu siç premtoi, Gjergj Luca ka mbajtur fjalën dhe i ka ndërtuar nënë Gjyles një shtëpi në më pak se një muaj.

Sot ai ka shkuar pranë familjes së të moshuarës, e cila jeton vetëm me djalin e saj të sëmurë dhe inauguruan shtëpinë e re.

Nënë Gjylja nuk ka mundur t’i mbajë dot lotët nga emocioni dhe nuk i ka kursyer falenderimet për sipërmarrësin.

Nga ana tjetër, Gjergj Luca ka dhënë një mesazh për qytetarët.

“Unë shoh njerëz të fesë këtu që bëjnë shumë punë të mira dhe e tejkalojnë pak dhe me anën emocionale, që nuk është mirë për fëmijët dhe këta fëmijë nuk mund ta shohin veten nesër të abuzuar prej lotëve. I bëj thirrje të gjithëve që le t’i tregojnë mirësitë e veta, le t’i tregojnë se njerëzit që kanë nevojë duhen ndihmuar. Kështu që, Gëzuar të Gjithëve! Dhe Inshaallah o Zot, bëftë Zoti ndonjë gjë të mirë edhe për djalin e kësaj nëne që ka qenë me halle dhe me siklete”, u shpreh ai.

Sipërmarrësi premtoi se kjo nuk është e vetmja bamirësi që ai do të bëjë, pasi theksoi se: “Ne e filluam me këtë nënë dhe do vazhdojmë me gjithë komunitetin për të bërë punë të mira”.

Kujtojmë se Gjergj Luca ka bërë disa investime në fshatrat e Elbasanit për t’i ardhur në ndihmë komunitetit./ CNA

 
 
 
 
 
View this post on Instagram
 
 
 
 
 
 
 
 
 
 
 

A post shared by CNA.al (@cna.lajme)





Lajmet e fundit nga