web counter
LEXO PA REKLAMA!

SHKARKO APP

App Store
Google Play

Çelet sezoni i kroçierave në Portin e Durrësit/ Prekin tokën shqiptare 50 turistë britanikë

5 Maj 2024, 13:23, Aktualitet CNA

Çelet sezoni i kroçierave në Portin e Durrësit/ Prekin

Ditën e sotme kryeminstri Edi Rama njofton çeljen e sezonit të kroçierave në Portin e Durrësit, ku zbulon se 50 turistë britanikë kanë prekur tokën shqiptare.

Rama ka bërë me dije se turistët do të vizitojnë disa atraksione duke përfshirë Tiranën dhe Krujën. Kryeministri thotë se për Shqipërinë ardhja e turistëve këtë vit është një ogur i mirë.

Më tej Rama shton se rreth 20 mijë turistë britanikë kanë ardhur në Shqipëri në tre muajt e parë të këtij viti, duke u bërë një prej tregjeve me rritjen më të shpejtë të flukseve turistike për Shqipërinë.

“Turistët britanikë çelin sezonin e kroçierave në Portin e Durrësit

Këtë të diel mirëpritëm vizitorët e parë të cilët zyrtarizojnë edhe nisjen e këtij sezoni turistik me kroçiera, ku 50 turistë britanikë kanë mbërritur mëngjesin e sotëm me kroçierën “Monet” për të vizituar Durrësin dhe sitet turistike të Tiranës, Krujës e zonave përreth, si ogur i mirë për këtë vit turistik ku Shqipëria po vizitohet nga të gjitha anët e në të gjitha format.

Rreth 20 mijë turistë britanikë kemi mirëpritur në tre muajt e parë të këtij viti, duke u bërë një prej tregjeve me rritjen më të shpejtë të flukseve turistike për Shqipërinë”, shkruan Rama./ CNA





Lajmet e fundit nga