web counter
LEXO PA REKLAMA!

SHKARKO APP

App Store
Google Play

E fundit!

x

Ola Xama: Veliaj, në dijeni të gjithçkaje tek inceneratori i Tiranës

6 Maj 2024, 22:58, Aktualitet CNA
Ola Xama: Veliaj, në dijeni të gjithçkaje tek inceneratori i
Fotomontazh

Gazetarja Ola Xama tregoi mbrëmjen e sotme rolin e kryebashkiakut Erion Veliaj në aferën e inceneratorit të Tiranës.

Xama tha në emisionin e Ylli Rakipit se Veliaj ishte në dijeni të gjithçkaje nga Ministria e Mjedisit te kompania koncesionare, ku ka marrë rolin e autoritetit kontraktor.

Ajo deklaroi se gjithashtu kryebashkiaku ishte në dijeni të planit të fizibilitetit, kush merrte përsipër kostot e shpronësimit dhe financimit.

“Bashkia e Tiranës është kliente e inceneratorit të Tiranës në masën 90 për qind. Autoriteti që merret me mbetjet e qytetit është bashkia e Tiranës.

Bashkia ka qenë në dijeni të gjithçkaje nga Ministria e Mjedisit te kompania koncesionare kur ka marrë rolin e autoritetit kontraktor. Bashkia e Tiranës dhe zoti Veliaj ishin në dijeni të planit të fizibilitetit, kush do t’i merrte përsipër kostot e shpronësimit dhe të financimit. Ishte letra e zotit Veliaj që dy përfaqësuesit e saj, tashmë nën hetim, Namik Simixhiu dhe Taulant Tusha, ishin pjesë e grupit negociues të kontratës ku u shpall fituese kompania “Integrated Energy”.

Është këshilli bashkiak i Tiranës që miratoi planin e financimit dhe është bashkia që shtroi terrenin për kontratën që miratoi fitime të padrejta prej 60 milionë euro prej dherave dhe me tarifa që vendosi vetë koncesionari. Ato i vendosi vetë kompania dhe ndërtuesit thonë se i kanë parë te faqja e internetit të kompanisë”, theksoi gazetarja./ CNA





Lajmet e fundit nga