web counter
LEXO PA REKLAMA!

SHKARKO APP

App Store
Google Play

Lëkura e Ramës, jo kundër zjarrit të SPAK-ut, por as ndaj korrupsionit dhe hajdutëve

7 Maj 2024, 10:33, Aktualitet CNA

Në fjalimin e tij, kryeministri Edi Rama e vë theksin te fakti që PS-ja ka lënë të lirë SPAK-un, drejtësinë, të bëjë punën duke i mëshuar asaj që nuk e kanë mbajtur lëkurën kundër zjarrit të drejtësisë së re.

“Pikërisht se e kemi seriozisht, nuk e kemi mbajtur lëkurën kundër zjarrit të drejtësisë së re”, tha Rama në mbledhjen e kabitetit qeveritar.

Por kryeministri, i cili qeveris prej 10 vitesh këtë vend, justifikohet me atë që bashkëpunëtorët e tij kanë ngrënë kumbulla dhe dardha pas shpinës së tij, pasi drejtësia e re goditi korrupsionin.

Ajo që kuptohet nga këto deklarata është fakti që Rama ka mbajtur lëkurën e tij kundër zjarrit të drejtësisë së re, por jo larg vjedhjes dhe korrupsionit.

Prej vitesh në qeveri, kryeministri nuk mund të bëjë një sy qorr dhe një vesh shurdh për të gjitha herët ku të implikuar në aferat më korruptive kanë dalë “besnikët” dhe delfini i tij, Erion Veliaj.

Si ka mundësi që për 10 vite kryeministri nuk e ka kuptuar se kush ka ngrënë dardha dhe kumbulla pas shpinës së tij?

Për çfarë qëndron në krye të ministrave të tij që janë kapur dhe janë arrestuar ose janë të shpallur në kërkim për përfshirje në afera megakorruptive?

Rama nuk mund të bëjë të paditurin. Por në rast se nuk e di, ja ku po ja themi: Që brenda qeverisë dhe kabinetit të tij ka hajdutë dhe vjedhje. / CNA 





Lajmet e fundit nga