web counter
LEXO PA REKLAMA!

SHKARKO APP

App Store
Google Play

E fundit!

x

A ka firmosur Veliaj leje ndërtimi për ndonjë nga 50 personat që akuzon SPAK-u?

18 Maj 2024, 19:23, Aktualitet CNA

SPAK organizoi një megaoperacion, ndër më të mëdhenjtë të zhvilluar ndonjëherë kundër botës së krimit, ku goditi 7 grupe të strukturuara kriminale.

Prokuroria e Posaçme lëshoi 50 urdhër-arreste, 20 nga të cilat janë ekzekutuar. 14 persona u kapën në Shqipëri dhe 6 jashtë vendit.

Ky operacion ka zbërthyer rrjetin, duke zbuluar kokat e krimit dhe planet e tyre për veprimtaritë e jashtëligjshme, por edhe për atentatet e planifikuara.

Deri më tani janë sekuestruar pasuri të mëdha, para në cash, flori, bizhuteri, armë, makina luksoze dhe shumë e shumë sende të tjera.

Prokuroria e Posaçme po vijon punën, po verifikon dhe po heton dhe pasuritë e personave të lidhur me grupet kriminale.

Këta persona që SPAK kërkon t’i dërgojë pas hekurave dyshohet se kanë marrë leje ndërtimi në Tiranë nëpërmjet kompanive të ndryshme.

Kjo na bën që të shtrojmë pyetjen: A ka firmosur dhe a është përfshirë kryebashkiaku Erion Veliaj në dhënien dhe pajisjen me leje ndërtimi të personave të inkriminuar, njerëzve të botës së krimit?

A ka firmosur Veliaj leje ndërtimi për ndonjë nga 50 personat
Kryebashkiaku i Tiranës, Erion Veliaj

Këto pyetje lindin pas aludimeve se njerëz të botës së krimit mund të jenë pajisur në kryeqytet nëpërmjet firmave të ndërtimit.

Ajo që dyshon SPAK-u është se lejet e ndërtimit janë përdorur edhe për pastrim parash.

Nga ana tjetër, këto persona mund të jenë përdorur edhe për interesa politike, si shpërblim ndaj lejeve të ndërtimit apo influencave të tjera në institucionet shtetërore.

Në rast se Veliaj nuk përgjigjet apo bën sikur nuk e di, shumë shpejt do e marrë vesh publikisht./ CNA





Lajmet e fundit nga