web counter
LEXO PA REKLAMA!

SHKARKO APP

App Store
Google Play

Arben Maloku ka vjedhur 38 milionë euro nga paratë e Bashkisë

17 Maj 2024, 20:51, Aktualitet CNA

Arben Maloku ka vjedhur 38 milionë euro nga paratë e Bashkisë

Ish kryeministri Sali Berisha ka deklaruar në tubimin para banesës së tij se zyrtari i Erion Veliajt ka vjedhur 38 milionë euro nga paratë e Bashkisë Tiranë.

Berisha theksoi se krimi shtetëror po shkatërron çdo ditë e më shumë qytetarët shqiptarë.

“Miqtë e mi, të gjitha këto tregojnë se beteja jonë është e vetmja shpresë për shqiptarët. Se krimi shtetëror po shkatërron çdo ditë e më shumë qenien e këtij kombi.Se këta kriminelë të shtetit, që paguhen miliona e miliona lekë rroga, këta janë armiqtë më të egër të qytetarëve.

Më të egër se armiqtë e shpellave, se armiqtë e bodrumeve.Më të rrezikshëm se çdo mafie tjetër.Erion Veliaj vazhdon dhe u bën karshillëk qytetarëveHajduti i modelit të vjedhjes 100 përqind.Vetëm një punonjës i tij tek 5D ka dalë 37 milionë të vjedhura.Këto ditë doli Arben Maloku, zyrtari i tij, që vetëm ai kishte vjedhur 38 milionë euro nga paratë e Bashkisë së Tiranës.

Të gjitha këto miq na ftojnë për sakrifica.Na ftojnë të marrim fatin në duart tona.Na ftojnë me çdo çmim të çlirojmë Bashkinë e Tiranës.Na ftojnë të gatshëm për çdo sakrificë, të shkojmë drejt qeverisë teknike, zgjedhjeve të reja, fitores së opozitës.

Edhe njëherë, përshëndetjet më të përzemërta.Edhe njëherë, ditën e martë, në ora 11.00, e gjithë Tirana te bashkia, të nxjerrim nga zverku Erion Velinë, të pastrojmë bashkinë”, tha Berisha./ CNA





Lajmet e fundit nga