web counter
LEXO PA REKLAMA!

SHKARKO APP

App Store
Google Play

E fundit!

x

Skandaloze/ Dëgjesa për shkeljet e Alfred Pezës, drejtoresha nxjerr jashtë mediat

17 Maj 2024, 16:28, Aktualitet CNA

Një akt i paprecedentë ka ndodhur ditën e sotme gjatë një dëgjese në Komisionin e Medias, ku ishin të ftuar të gjithë mediat për të raportuar gjithë shkeljet e ligjit flagrante të Alfred Pezës me shkarkimin e rreth 150 gazetarëve dhe profesionistë të RTSH-së.

Ende pa nisur dëgjesa është ndërprerë dhe janë nxjerrë jashtë të gjitha mediat që kanë shkuar për të raportuar një çështje që ka mjaft interes publik, për shkeljet masive që ka bërë Alfred Peza në krye të RTSH-së.

Në fakt, kjo është një shkelje skandaloze nga ana e zyrës së shtypit për mediat në Kuvendin e Shqipërisë, pasi është cënuar liria e medias dhe e fjalës së lirë.

Drejtoresha për Mediat në Kuvend, Manjola Zeka, nuk dihet nga i ka marrë urdhrat për të nxjerrë jashtë gjithë gazetarët e pranishëm.

Por pavarësisht këtij akti të paprecedentë dhe skandaloz, dëgjesa është publikuar nga deputetja Ina Zhupa.

Gjatë dëgjesës gazetarët e shkarkuar padrejtësisht nga Alfred Peza kanë kërkuar nga Këshilli Drejtues shkarkimin e tij.

Ata denoncojnë se emërimi i drejtorit të Përgjithshëm është bërë në kundërshtim me ligjin. Po ashtu theksojnë se emërimet e drejtorëve të njësisë janë bërë në kundërshtim me ligjin.

“Emërimi i drejtorit në kundërshtim me ligjin. Shkarkimet në kundërshtim me Kodin e Punës. Emërimet e drejtorëve të njësisë janë bërë në kundërshtim me ligjin. Kërkesa jonë është që Këshilli Drejtues ta shkarkojë në mënyrë të menjëhershme pasi kompetencën e ka”, kanë thënë gazetarët në dëgjesën në Komisionin e Medias.

CNA ka denoncuar në dhjetëra shkrime shkeljet masive dhe abuzimet e bëra nga Alfred Peza në RTSH.

Duke nisur nga abuzimet me fondet për Festivalin e Këngës në RTSH, e deri tek shkarkimi nga puna i profesionistëve që prej vitesh kanë dhënë kontributin e tyre në televizion./ CNA

 





Lajmet e fundit nga