web counter
LEXO PA REKLAMA!

SHKARKO APP

App Store
Google Play

E fundit!

x

“Masakra” në RTSH me shkarkimet dhe fondet/ Alfred Peza përdor Leka Bungon

29 Prill 2024, 10:30, Aktualitet CNA
“Masakra” në RTSH me shkarkimet dhe fondet/ Alfred Peza
Fotomontazh - Alfred Peza dhe Leka Bungo

Komisioni për Edukimin dhe Mjetet e Informimit Publik do të mbajë sot një seancë dëgjimore për shkarkimet nga puna dhe përdorimin e fondeve publike në Radiotelevizionin Publik Shqiptar. 

Opozita ka kërkuar që të shkojë në seancë për të dhënë llogari drejtori i Përgjithshëm i RTSH-së, Alfred Peza.

Por në vend të Pezës, në Kuvend do të shkojë kryetari i Këshillit Drejtues të RTSH-së, Leka Bungo, dhe anëtarë të këtij Këshilli.

“Masakra” në RTSH me shkarkimet dhe fondet/ Alfred Peza
Leka Bungo dhe Alfred Peza

Kështu, Peza po i shmanget përgjegjësisë dhe llogaridhënies, duke dërguar vartësit në vend të tij për të folur për shkarkimet masive nga puna dhe abuzimin me fondet.

CNA ka raportuar më parë bëmat e Alfred Pezës në krye të RTSH-së dhe fshehjen e tyre nga Leka Bungo.

Shkarkimet masive të punonjësve

Peza ka shkarkuar 125 punonjës pa asnjë motivacion nga puna, ndërsa të tjerë, sipas denoncimeve, kanë dhënë dorëheqjen për shkak të presionit që u është ushtruar.

Lidhur me shkarkimet, disa punonjës e kanë parë si të arsyeshme përballjen në gjykatë, ndërsa mbi 20 të tjerë kanë ngritur një padi në SPAK.

Siç ka raportuar edhe CNA, punonjësit e shkarkuar akuzojnë Pezën për shkelje të kontratave dhe pushime nga puna në shkelje të ligjit.

Sipas tyre, shkarkimet janë kryer pa asnjë bazë ligjore dhe në shkelje të Kodit të Punës.

Për largimet nga puna, ish-punonjësit i thanë CNA-së rreth dy muaj më parë se do të vinin në dijeni ambasadat, Bashkimin Evropian dhe sekretarin e Përgjithshëm të OKB-së, Antonio Guterres.

“Masakra” në RTSH me shkarkimet dhe fondet/ Alfred Peza
RTSH

Abuzimet me fondet

CNA gjithashtu ka denoncuar abuzimet në Festivalin e 62-të të Këngës në Radio Televizionin Shqiptar.

CNA publikoi dokumente që tregonin se si ishin shpenzuar rreth 140 milionë lekë më shumë në krahasim me edicionin e kaluar, ishin shtuar paratë për mjete me qira, paratë për këngët konkurruese, pagesat për të ftuarit dhe për skenografinë.

Nga dokumentet rezultonte se të ftuarit dhe mjetet me qira kapnin afërsisht shifrën 200 milionë lekë, mbi 30% të vlerës totale të shpenzimeve.

CNA nuk u ndal vetëm këtu, por për shpenzimet e Festivalit të Këngës iu drejtua me tri shkresa zyrtare kreut të RTSH-së, drejtorit Alfred Peza dhe kryetarit të Këshillit Drejtues të RTSH-së, zotit Leka Bungo.

“Masakra” në RTSH me shkarkimet dhe fondet/ Alfred Peza
Leka Bungo

Fillimisht Peza nuk pranoi të jepte informacion, por Komisioneri Publik e “detyroi” t’i kthente përgjigje CNA-së, ku pranoi shpenzimet e fryra.

Nga ana tjetër, Leka Bungo heshti përballë bëmave dhe gjëmave të Pezës dhe refuzoi t’i japë përgjigje CNA-së.

Bungo, si miratues i “masakrës” së Pezës në RTSH, hodhi sulme banale dhe të pështira mbi CNA-në./ CNA





Lajmet e fundit nga