web counter
LEXO PA REKLAMA!

SHKARKO APP

App Store
Google Play

Video - Gjergj Luca hipën në majë të lapidarit/ Ironia therëse për Ilir Metën

27 Prill 2024, 18:08, Aktualitet CNA
Video - Gjergj Luca hipën në majë të lapidarit/ Ironia
Sipërmarrësi Gjergj Luca

Një ironi herëse vjen nga sipërmarrësi Gjergj Luca për kreun e PL-së Ilir Meta.

Pasi Meta hipi në paralele, Luca ka hipur në majë të një lapidari, duke pranuar sfidën e kreut të PL-së dhe duke thyer rekordin e tij.

“Kam ardhur në këtë majë mali pasi nuk më doli koha për të përshëndetur partinë time në kongres dhe kam ardhur këtu në këtë lapidar ku burrat e Skraparit dhe burrat e Dukagjinit kanë luftuar për liri, për gjënë më të shenjtë që ka njeriu që lufton për familjen dhe për popullin e vet. Këta burra që kanë dhënë jetën, heuu s’paska mbetur kërkush mo vëlla. Këta burra që ia ka fshirë koha emrat ne do t’i zëvendësojmë me njerëz të tjerë, me ata njerëz që janë të paepur, që luftojnë për lirinë e këtyre hapësirave, që ne në atë majë mali atje që shikoni të Skraparit dhe të Dukagjinit do të vazhdojmë dhe lirinë nuk do ta falim, se liria është gjëja më e shenjtë.

Kanë dashur vite, vite e vite me na e marrë socialimperializmi amerikano-anglez, për me na e marrë Rusia, tani për me na e marrë Europa me institucionet që ngrenë, por ne miq nuk dorëzohemi dhe ju lutem Partia Lirisë, kërkoj ndjesë që unë nuk jam pjesëtar në atë kongres, por ndiqni dy vargjet e mia që unë do t’i them nga maja për të thyer dhe rekordin e ri”, shprehet ai, ndërsa hipën në majë të lapidarit dhe reciton për Metën.

“Shoku Ilir, shoku Ilir,

E ke gojën pa zinxhir,

Me sheqer e me hurma,

Lum Saliu që të ka!

Fitore! Fitore! Fitore!”, thekson sipërmarrësi, ndërsa ironinë nuk e ndal as në rrjetet sociale, ku ka publikuar videon për kreun e PL-së.

“Jo po Gjergj Luca nuk bën dot konventa, jo po Gjergj Luca nuk hipën dot majë lapidarit, jo po Ilir Meta është më i fortë se Gjergj Luca, jo po Gjergj Luca është komunist, ballist, zogist, trumpist...

Miq, unë konventat e partisë time nuk i bëj në Bllok në Tiranë. Unë jam malësor dhe konventat e mia i bëj maleve!”, shkruan Gjergj Luca./ CNA

 
 
 
 
 
View this post on Instagram
 
 
 
 
 
 
 
 
 
 
 

A post shared by CNA.al (@cna.lajme)





Lajmet e fundit nga