web counter
LEXO PA REKLAMA!

SHKARKO APP

App Store
Google Play

Hetimet e SPAK-ut/ Në pranga, një nga bashkëpunëtorët e ngushtë të Artan Lames

27 Prill 2024, 10:06, Aktualitet CNA
Hetimet e SPAK-ut/ Në pranga, një nga bashkëpunëtorët e
Artan Lame

Me urdhër të SPAK-ut kanë rënë në prangat e policisë, Dritan Stoka, zyrtar i lartë i Kadastrës në kohën kur ky institucion drejtohej nga Artan Lame.  

Stoka njihet nga të gjithë si nga bashkëpunëtorët më të ngushtë të Artan Lames, madje edhe si krahu i tij i djathtë. Zullumet për abuzimet me pronat nga jugu në veri mesa duket i kanë bërë bashkë, pasi Dritan Stoka akuzohet për korrupsion pasiv dhe shitblerje votash.

Në prangat e policisë ka rënë edhe Agim Osmani, ndërkohë që gjykata ka dhënë masat e sigurisë "Arrest në shtëpi” për Alqi Hajdinin dhe "detyrim paraqitje" për Ylli Barutin.

Nga hetmet e SPAK-ut ka rezultuar se Stoka dhe ish-zyrtarët e tjerë të Kadastrës kanë kryer favore për pronat në këmbim të blerjes së votave. Sigurisht që favoret për pronat Stoka nuk ka bërë pa ndihmën e bashkëpunëtorit të tij, Artan Lame. 

Theksojmë se Artan Lame është nën hetim nga SPAK-u pas disa kallëzimeve të bëra për regjistrime të ndryshme, pas urdhrave verbalë të firmosur prej tij ndaj drejtuesve të institucionit, për të kryer veprime në shkelje të ligjit.

CNA ka mësuar se janë disa kallëzime për ish-kreun e ASHK-së, të cilat ndodhen në SPAK dhe po hetohen, por ka kallëzime të tjera, edhe në Prokurorinë e Tiranës ku po kryhen hetime për shumë dosje me përgjegjësinë ligjore ndaj regjistruesve. 

Shkarkimi i Lames u bë pikërisht për shkak të disa skandaleve të ndodhura në ASHK, të cilat fillojnë që nga legalizimet deri te regjistrimi i pronave në mënyrë të paligjshme korruptive./CNA 

 





Lajmet e fundit nga