web counter
LEXO PA REKLAMA!

SHKARKO APP

App Store
Google Play

E fundit!

x

Përfundon pas 2 orësh protesta para bashkisë/ Qytetarët, të vendosur për të larguar Veliajn

26 Prill 2024, 12:49, Aktualitet CNA
Përfundon pas 2 orësh protesta para bashkisë/ Qytetarët,
Protesta para Bashkisë Tiranë

Dy orë ka zgjatur protesta e katërt para Bashkisë së Tiranës, ku qindra qytetarë, aktivistë dhe politikanë kërkuan dorëheqjen e menjëhershme të kryebashkiakut Erion Veliaj pas publikimit të skandalit të dosjes "5D", ku janë arrestuar disa drejtorë. 

Protesta e sotme u shoqërua me akuza ndaj Veliajt dhe u bë thirrje ndaj SPAK-ut që të hetojë dhe arrestojë këtë kryebashkiak të korruptuar. 

Pjesë e protestës ishin edhe aktorë dhe regjisorë të njohur, si Edmond Budina, Mehdi Malkaj dhe të tjerë të cilët u bënë thirrje qytetarëve që të dalin në protestë dhe të largojnë nga bashkia hajdutin Veliaj. 

Në këtë protestë nuk munguan edhe përplasjet me policinë, pasi qytetarët dhe këshilltarët opozitarë tentuan të futeshin në godinë. 

Qindra forca policie kishin rrethuar këtë institucion dhe nuk lejuan asnjë person të futej në bashki. Protestuesit hodhën flakadanë, tymuese, mollë dhe portokalle në drejtim të bashkisë. 

Ata paralajmëruan se protesta e radhës do të zhvillohet të premten e ardhshme dhe u shprehën të vendosur se nuk do të largohen derisa Veliaj të japë dorëheqjen./CNA 

 





Lajmet e fundit nga