web counter
LEXO PA REKLAMA!

SHKARKO APP

App Store
Google Play

Protesta kundër Veliajt dhe drejtorëve hajdutë/ Policia bllokon rrugët

26 Prill 2024, 10:24, Aktualitet CNA
Protesta kundër Veliajt dhe drejtorëve hajdutë/ Policia bllokon
Protesta para bashkisë

Sot do të mbahet protesta e Aleancës për Mbrojtjen e Teatrit, opozitës dhe qytetarëve për të kërkuar dorëheqjen e menjëhershme të Erion Veliajt pas skandalit me aferën "5D".

Policia e Shtetit ka njoftuar masat një ditë më parë kur tregon se do të ketë bllokim të përkohshëm të qarkullimit të mjeteve, në bulevardin kryesor pranë Bashkisë së Tiranës.

"Në zbatim të planit të masave, Policia e Shtetit njofton se, ditën e nesërme, në orën 09:45 e në vijim, do të ketë bllokim të përkohshëm të qarkullimit të mjeteve, në bulevardin kryesor pranë Bashkisë së Tiranës. Për këtë arsye sugjerojmë që të përdoren rrugë alternative, deri në përfundim të tubimit, si Unaza e Mesme dhe Unaza e Madhe.

Gjatë dy tubimeve të fundit, të zhvilluara nga Aleanca për Mbrojtjen e Teatrit, në sheshin para Bashkisë Tiranë, janë evidentuar raste të kundërshtimit të forcave të policisë, përdorimit dhe hedhjes së molotovëve e sendeve të tjera, në drejtim të Bashkisë Tiranë, duke rrezikuar seriozisht jetën dhe shëndetin e punonjësve të policisë.

Drejtoria Vendore e Policisë Tiranë respekton plotësisht të drejtën e qytetarëve për të organizuar dhe marrë pjesë në tubime paqësore. Policia u bën thirrje organizatorëve, drejtuesve dhe pjesëmarrësve në tubime të respektojnë ligjin dhe të distancohen nga çdo akt dhune.

Cenimi i rendit e sigurisë publike dhe rrezikimi i shëndetit e jetës së punonjësve të policisë përbëjnë shkelje të ligjit dhe Policia e Shtetit do të veprojë gjithnjë me profesionalizëm", thuhet në njoftimin e policisë./ CNA





Lajmet e fundit nga