web counter
LEXO PA REKLAMA!

SHKARKO APP

App Store
Google Play

E fundit!

x

“Do ju monitorojmë”/ Balla, mesazh të dënuarve të amnistuar

26 Prill 2024, 17:01, Aktualitet CNA
“Do ju monitorojmë”/ Balla, mesazh të dënuarve
Ministri i Brendshëm, Taulant Balla

Dy ditë më parë u lirua nga burgu shtetasi me iniciale A.I., i cili përfitoi nga amnistia penale, por sapo doli nga burgu i Drenovës vodhi një makinë dhe u arrestua një ditë më pas.

Për këtë rast u pyet ministri i Brendshëm, Taulant Balla gjatë vizitës së tij në Korçë këtë të premte.

Balla dha një mesazh për të dënuarit e amnistuar, teksa u shpreh se është në të mirën e tyre të mos i rikthehen aktivitetit të jashtëligjshëm.

Ministri theksoi nga Korça se të gjithë të amnistuarit do të monitorohen në mënyrë që të shmangen ngjarjet kriminale.

“Kjo është një prej arsyeve të beftë të vizitës time në DVP Korccë. Gjej rastin t’i përgëzoj për reagimin e menjëhershëm, ju e dini që amnistitë janë gjithmonë të mirëpritura dhe qeveria shqiptare i propozoi Kuvendit pikërisht ndërmarrjen e një hapi të tillë por ne e dimë që në këto raste pas amnistive, ekziston mundësia për t’i rikthyer përsëri aktivitetit të tyre kriminal. Rasti që përmendët është person i të njëjtës vepër penale dhe nuk i ka rezistuar tundimit. Por kjo nuk do të thotë që policia nuk e ka vigjilencën e duhur dhe i gjithë operacioni për ta rikthyer në qeli është bërë nga DVP Korccë falë inteligjencës policore dhe veprimeve të menjëhershme. Në këtë aspekt dua t’ju rikujtoj personave që kanë përfituar nga amnistia që është në të mirën e tyre që dorën e ngrohtë të shoqërisë përmes amnistisë mos e marrin si dobësi por si mesazh që t’i rikthehen një jete normale larg veprave penale. Policia e Shtetit, në komunikim me Drejtorinë e Përgjithshme të Burgjeve po administron të gjithë emrat e personave që janë përfitues dhe do të ketë një monitorim të secilit prej tyre në mënyrë që të shmangen ngjarjet kriminale”, nënvizoi Balla./ CNA





Lajmet e fundit nga