web counter
LEXO PA REKLAMA!

SHKARKO APP

App Store
Google Play

Meloni merr në mbrojtje Ramën/ Opozita italiane: Perëndesha e mashtrimit

28 Prill 2024, 20:48, Aktualitet CNA
Meloni merr në mbrojtje Ramën/ Opozita italiane: Perëndesha e
Foto ilustruese

Politika italiane e ka konsideruar si të papranueshëm sulmin që kryeministrja Meloni bëri ndaj Rai 3, duke i dalë kështu në mbrojtje kryeministrit Edi Rama.

“Më ndihmoni t’i dërgoj solidaritetin tonë Edi Ramës për linçimin vetëm për përpjekjen për të ndihmuar kombin tonë. Edhe Tele-Meloni (RAI), ju e dëgjuat atë Telemeloni apo jo? Ai krijoi një reportazh për Shqipërinë në të cilin e portretizonte atë si një narko-shtet”, tha Meloni gjatë një tubimi të partisë së saj “Vëllezërit e Italisë” në Pescara.

Pas kësaj deklarate kanë reaguar anëtarët e Partisë Demokratike të Komisionit Mbikëqyrës dydhomësh të RAI-t.

Sipas tyre në vend që tu shpjegojë italianëve humbjen e madhe të fondeve për marrëveshjen Itali-Shqipëri, sulmon transmetuesin publik.

“Solidaritet me të gjithë redaksinë e Report-it të akuzuar padrejtësisht nga kryeministrja për linçim. Për Melonin, çdo thashethem jashtë propagandës së Palazzo Chigi është një sulm ndaj lidershipit të tij. Në vend që t’u shpjegojë italianëve humbjen e madhe të fondeve për marrëveshjen Itali – Shqipëri sulmon transmetuesin publik”, thuhet në një deklaratë të anëtarëve të PD-së.

“Meloni si Apate, perëndesha e mashtrimit. Ajo që tha sot nga Pescara është një asgjë absolute, ajo flet për diçka që nuk ekziston. Kryeministrja kërkon të manipulojë realitetin duke sulmuar edhe gazetarinë investigative, si në rastin e Report dhe solidarizohet me kryeministrin Rama pa dhënë përgjigje për Demokracinë e gjorë dhe Italinë e gjorë që po qeveriset nga ata që e shohin botën me blinda”, shkruan Angelo Bonelli, deputeti i Aleancës së Gjelbër dhe të Majtë./ CNA





Lajmet e fundit nga