web counter
LEXO PA REKLAMA!

SHKARKO APP

App Store
Google Play

Lala: Meta i frikësuar nga Dumani, mund të përballet në gjyq shumë shpejt

27 Prill 2024, 19:01, Aktualitet CNA
Lala: Meta i frikësuar nga Dumani, mund të përballet në gjyq
Gazetarja Klodiana Lala

Një paralajmërim i fortë ka ardhur nga gazetarja Klodiana Lala për kreun e PL-së, Ilir Meta, teksa folu për akuzat e këtij të fundit ndaj kreut të SPAK-ut, Altin Dumani.

Lala tha se Meta është i frikësuar nga SPAK-u dhe nga Dumani, pasi shumë shpejt mund të ketë një vendimmarrje për pasurinë e tij.

Ajo deklaroi se Meta betejën mund ta ketë në sallën e gjyqit, duke nënvizuar se hetimi për kreun e PL-së është si një rrjet merimange.

“Deklaratat shprehin frikën e Metës nga hetimet e SPAK. Ai ka qenë një faktor shumë i rëndësishëm politik në Shqipëri. SPAK ka sekuestruar shumë celularë, janë sekuestruar celularë të personave që kanë bashkëpunuar ngushtë me Metën dhe Kryemadhin, prokurorët janë drejt individualizimit të veprave penale dhe kjo ka bërë që Meta të shtojë akuzat ndaj Prokurorisë së Posaçme. Duket se ka pasur përplasje të fortë mes prokurorëve në SPAK, por se Dumani ka marrë frerët e çështjeve të tij.

Unë jam kundër deklaratave të Metës. Theksi i hetimit është vënë tek pasuria. Thelbi i hetimit është pasuria. Besoj se do të kemi vendimmarrje shumë shpejt. Meta betejën mund ta ketë në sallën e gjyqit. Mendoj që zoti Meta është i informuar për veprimet e prokurorëve. Hetimi ndaj Metës është si një rrjet merimange. Për çështjen CEZ-DIA është pyetur Kastriot Ismailaj, bashkëshortja e tij ka dhënë dëshmi pranë SPAK, shumë persona afër Metës janë pyetur për këtë çështje, është pyetur Ralf Gjoni”, theksoi gazetarja./ CNA





Lajmet e fundit nga